Meqë koha ka fillu me u ftohë e jemi afër me hy n’sezonën e festave t’fundviti, menysë t’shumë kokaleve e pub-eve i shtohet vera e nxehtë, e cila e karakterizon këtë periudhë njejtë sikurse çokollata e nxehtë.
Kur bahet fjalë për verën e nxehtë / t’vluar, ne jemi siguru me i mbledhë disa nga faktet ma interesante për pijen ma t’preferume t’dhjetorit e t’dimnit anë e mbanë Evropës e me i nda me ty. E që ke çka mëson n’lidhje me këtë pije, e dëshmojnë informatat e maposhtme.
Përbërësit kryesorë t’verës t’nxehtë janë vera e kuqe dhe shkopinjtë e kanellës. Megjithatë, kombinimit shpesh herë i shtohen edhe rriska portokalli, yje anise e pak sheqer – n’mënyrë që vera me pasë ekstra aromë dhe shije.
Mundesh me e lexu edhe…
E shpikur prej romakëve dhe e përhapun fillimisht n’Evropë, vera e vluar, ose vera e nxehtë asht pije që servohet n’shumë vende t’botës, por Evropa njihet për variantet e famshme dhe t’ngjashme t’pijes. Kështu, n’Gjermani vera e nxehtë njihet si “Glühwein”, n’Itali njihet si “vin brulé”, kur nFrancë, quhet “vin chaud”.
Vera e vluar shërbehet e nxehtë/e ngrohtë. E edhe për përgatitjen e verës duhet merak e shumë kujdes, meqë qëllimi asht me e nxe e vlu ngadale verën, jo me e shterrë e me e reduktu n’masë. Temperaturat mesatare (nganjiherë pak ma nga e ulëta) janë çelësi i nji vere t’mirë t’vluar.
Ka edhe verë t’bardhë t’nxehtë. Po – n’disa vende ekziston edhe versioni i nxehtë i verës t’bardhë, i cili poashtu zihet bashk me erëza dhe servohet njilloj sikurse vera e nxehtë klasike. Zakonisht kësaj vere i shtohen rriska limoni, dardhe apo ftoni. Megjithatë, shumica ende e preferojnë variantin klasik ma shumë se sa t’bardhin. Por hey, pa e provu ec e gjyko!
Njësoj sikurse për verën e nxehtë, ti mundesh me mësu se cilat janë 5 faktet ma interesante për Vodkën – pijen e famshme ruse, e poashtu edhe me mësu se qysh me e përgatitë nji Vodka-pineapple. E nëse ke qejf e je merak edhe n’verë, këtu i gjenë edhe 5 fakte interesante për verërat. Ndërsa, me patjetër ta rekomandojmë me kuptu ma shumë rreth 7 fakteve ma interesante për meraklitë e birrave.
Nëse e ke sosë me dal, mos e le pa e çu nji gotë, për hirë t’faktit që asht vikend, e mundesh me u hallakatë pakëz, por jo me u çmend. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
