Nëse veç je prej atyre që mundohen me u ushqy shntshëm, por e kanë t’vështirë me hjekë dorë prej ambëlsinave e deserteve, dije që nuk je vet – e nuk ke nevojë me ba kësi kompromisi t’dhimbshëm aspak. Mjafton me gjetë ambëlsina e deserte që anojnë ka e shnetshmja ma shumë sesa që janë t’damshme, e që n’shumicën e rasteve përmbajnë fruta.
Koktelli lebanes me fruta, ose ndryshe i njohun edhe si versioni lebanez i sallatës t’frutave asht definicioni i nji deserti fantastik, t’shnetshëm e estetikisht t’kënaqshëm, meqë falë ngjyrave e laryshisë t’frutave ky desert merr pamje super-joshëse, plus ka shumë pak sheqer n’krahasim me ambëlsinat e tjera. E çka asht ma e mira – asht gati n’3 hapa t’thjeshtë.
PËRBËRËSIT PËR LANGUN:
1 gotë dredhëza t’ngrira
1 gotë ujë
1 lugë gjelle sirup trëndafili
PËRBËRËSIT PËR FRUTAT:
2 gota dredhëza (t’prera n’kubëza t’imëta)
4 kivi (t’prera n’kubëza t’imëta)
2 mango (t’prera n’kubëza t’imëta)
1/4 ananas (i prerë n’kubëza t’imëta)
Mundesh me e lexu edhe…
PËRBËRËSIT PËR SERVIM:
1/2gotë krem-puding vanille
4 lugë gjelle badema (t’grirë)
4 lugë gjelle arra (t’grira)
2 lugë gjelle fëstëkë (t’grirë)
4 lugë çaji mjaltë
HAPI 1:
Shto përbërësit për langun n’blender dhe bluji deri sa t’krijohet nji masë e njitrajtshme dhe t’mos ketë copëza dredhëzash t’ngrira brenda.
HAPI 2:
Frutat e grirë imët vendosi n’gotat e preferume. Ne t’rekomandojmë me e shtu nga 1 lugë gjelle prej secilës. Kështu, merr fillimisht 1 lugë me dredhëza, pastaj me mango, me kivi e kështu me radhë.
HAPI 3:
Pasi ta kesh mbushë gotën thajse plot, shto pak prej langut t’dredhëzave dhe sigurohu që frutat janë mbulu thuajse tanësisht me lang. Leje me u ftohë koktelli/sallata n’frigorifer për 30 minuta, pastaj shto sipër pak prej krem-pudingut, dhe pak nga frutat arrore sipër.
REZULTATI:
Servoje këtë super-desert kurdo që ta don shpirti e kaqu me shijen fantastike që ta ofron. E meqë jemi tek frutat dhe ambëlsinat e frutave, mos e le pa i përgatitë edhe frutat n’shtagë, ose pllakën e jogurtit me fruta mali – receta këto shumë t’shnetshme, simpatike dhe t’lehta, por edhe t’mira me u pa me sy. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
