“Butter board” ose n’shqip mezja e gjalpit asht nji prej mezeve që kohëve t’fundit ka arritë me e marrë vëmendjen e shumë meraklive t’ushqimit, sepse, ka arritë me i thy tabutë se si shërbehet mezja. Ideale për gostitje t’mysafirëve – kjo meze parashihet me u shërby me çaj ose kafe.
Kombinimi i gjalpit me fruta dhe fruta arrore ka arritë me e ba këtë meze kombinimin e preferum t’shumë njerëzve për mëngjeset dembele, por edhe darkat simpatike me miq, t’shoqnume me nji filxhan kafe. E idenë që për me e qujtë meze duhet me kanë e parapame me u shoqnu me raki – mezja prej gjalpi e ka gju n’ujë – me t’drejtë ama.
PËRBËRËSIT:
200 gr gjalpë (n’temperaturë dhome)
150 gr boronica
200 gr dredhëza (t’prera n’rriska)
80-100 gr arra (t’imtësume)
4-5 lugë gjelle mjaltë
1 tufë me gjethe mente
HAP1 1:
Merr gjalpin e zbutur n’temperaturë dhome dhe përzije mirë me lugë ose tel për miksim. Këtë baje deri sa gjalpi t’jetë i zbutun e t’merr formë krem-djathi.
HAPI 2:
Me spatullë për lyerje merre gjalpin dhe vendose sipër dërrasës për meze. Lyje sipërfaqen e dërrasës dhe shto dredhëzat sipër gjalpit.
HAPI 3:
Shto boronicat, arrat e imtësume dhe gjetet e mentës nëpër tërë sipërfaqen e mbetun me gjalpë. Merr mjaltin dhe spërkate tërë hapësirën dhe servo.
REZULTATI:
Shërbeje këtë meze me keksa, bukë t’rreshkun apo kroasan taze e shoqnoje me nji filxhan çaji me xhenxhefil dhe shafran, apo me nji filxhan kafe e shijoje për mëngjes, apo edhe për ndonji darkë t’thjeshtë, kur ke mysafir dhe nuk ke mbrri me përgatitë ndonji ambëlsinë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
