Çaj me xhenxhefil dhe shafran; qysh me përgatitë dhe pse

Deri tash mujmë me thanë që vjeshta ke qenë bajagi e butë e nuk asht hetu fort – me përjashtim t’disa ditëve t’shtatorit. Megjithatë, parashikimet e motit po thonë që ditët kanë me u ftohë e që tamam po kalojmë n’sezonën e vrantësinave e shiut. Andaj asht edhe e kutpueshme që për disa prej nesh, kjo sezonë sjellë edhe gripna e viroza.

E vetmja mënyrë e mirë e efektive për me ju ikë gripnave sezonale asht me i parapri shnetës me ushqim t’shnetshëm e me çajna t’ndryshëm. Andaj edhe çaji me xhenxhefil e shafran asht nji recetë t’cilën po ta rekomandojmë për disa arsye, përfshirë edhe parandalimin e sëmundjeve e përfitime t’tjera.

PËRFITIMET:

Xhenxhefili: Asht nji anti-inflamator natyral dhe ndihmon n’përmirësimin e metabolizmit. Poashtu përdoret për me e zvogëlu sheqerin n’gjak.

Shafrani / Kurkuma (Turmeric): Asht erzë e pasun me antioksidantë. Ka shumë përfitime t’vërtetuara shkencërisht, t’u e përfshi lehtësimin e simptomave t’artritit dhe sëmundjeve t’zemrës.

Limoni: Asht burim i shkëlqym i vitaminës C, dhe zvogëlon rrezikun e sëmundjeve t’zemrës si dhe goditjeve n’tru. Gjithashtu mbron nga anemia. Këto nuk janë t’vetmet efektet shëruese që ka limoni, por ne t’i përmbledhëm ma kryesoret.

Mjalta: Shërben si ambëlsues natyral dhe e lehtëson kollën e dhimbjet e fytit, meqë njihet si nji antibakterial natyror. E njilloj sikurse n’çaj, mjalti kur kombinohet me qumësht ban çudira.

E meqë veç e kuptove se cilat janë benefitet e përbërësve t’çajit me xhenxhefil dhe shafran, gjeje edhe recetën se qysh me e përgatitë ma poshtë:

PËRBËRËSIT:

1 limon (i prerë n’rriska)
10 gr rrënjë shafrani (i prerë n’rriska)
10 gr rrënjë xhenxhefili i prerë n’rriska
3 lugë gjelle mjaltë
1.5 l ujë

PËRGATITJA:

Vendosi shafranin e Indisë, xhenxhefilin dhe fetat e limonit n’tenxhere e shtoni ujin. Ziji përbërësit për 8 minuta e shto mjaltin. Kulloje çajin para se me shërby n’gotë. Mos harro, gotës ja shton nji rriskë limoni dhe mundesh me i shtu mjaltë ekstra nëse ke dëshirë.

REZULTATI:

Pije çajin kurdo gjatë ditës, qoftë t’nxehtë ose edhe t’ftohtë. Këtë çaj mundesh me e shoqnu me nji copë “Pumpkin Bread”; ambëlsina sezonale që s’ban me t’ikë pa e provu.

Poashtu, për ditët e ardhshme, mundesh me e përgatitë edhe kompotin me molla t’katunit, i cili s’t’i len mollat me t’shku posht. /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria