Nëse i njihni mirë ngjyrat dhe stemat, besoj që e keni vërejtur se pothuajse asnjë prej flamujve shtetëror në botë nuk përmban ngjyrë vjollcë.
Arsyeja qëndron në faktin se ngjyra vjollcë ishte shumë e shtrenjtë në të kaluarën. Prandaj, nuk është për t’u habitur që ngjyrat mbizotëruese në flamuj janë të zeza, të kuqe dhe blu, të cilat ishin më ekonomike dhe të lehta për të prodhuar pigmente në atë kohë.
Në kohët e lashta, ngjyra vjollce ishte marrë nga një lloj i veçantë i kërmijve të detit nga Mesdheu. Për vetëm një gram bojë nevojiteshin mbi 10,000 kërmij. Ndaj këtë ngjyrë e vlerësuan po aq sa floriri, shkruan Quora.
Mundesh me e lexu edhe…
Ngjyra e vjollce historikisht ka qenë e lidhur me aristokracinë dhe mbretëritë. Në fakt, ajo ka qenë e destinuar për ngjyrosjen e rrobave të mbretërve, mbretëreshave, sepse përfaqësonte luksin.
Kjo ngjyrë ndonjëherë ishte e shtrenjtë edhe për vetë sundimtarët.
Statusi prestigjioz i vjollcës ndryshoi vetëm në 1856 kur një student britanik i universitetit, William Henry Perkin, ndërsa përpiqej të gjente një kurë për malarien, zbuloi aksidentalisht një mënyrë për të prodhuar vjollcë sintetike.
Që nga ai moment, kjo ngjyrë u gjet lehtë në treg dhe nuk u vë më e para në listë nga familjet mbretërore.
Duke qenë se prodhimi i saj ishte shumë më i lehtë, vjollca u bë e disponueshme për të gjithë dhe nuk është për t’u habitur që ngjyra vjollce shfaqet në disa flamuj të krijuar rreth vitit 1900.
Vetëm dy shtete në botë: Dominika dhe Nikaragua , kanë ngjyrë vjollce në flamujt e tyre.
Përgatiti:
