Idetë e ndryshme për ushqim, servim dhe dekorim t’pjatave festive janë element i randësishëm i cilësdo festë. Kujdesi për detaje, servim e dekorim asht hap i randësishëm dhe që e ban diferencën n’raste ma speciale. Pjatat festive nime i japin hijeshi edhe ma shumë secilës tryezë, veçanarisht kur kemi motive t’mëdhaja për me nda gëzimin me ma t’dashtunit tanë. E që nuk don diskutim sa e randësishme asht nji meny e begatume dhe e kurume mirë e dëshmojnë ma s’miri eventet sikurse janë ditëlindjet e ma t’dashurve tanë – picimulëve simpatik.
N’qoftë se je ka e organizon nji “Frozen / Elsa themed party” për nji vocërrak/e dhe je n’kërkim t’recetave e t’pjatave interesante dhe unike si n’shije ashtu edhe n’pamje, atëherë qe ku t’i kemi mbledhë idetë ma t’mira t’mundshme n’nji artikull t’vetëm dhe ta kemi shpjegu se qysh mundesh secilën prej tyre me e realizu – e suksesin po i ndoqe udhëzimet tona e ke t’garantum.
Duhet me ditë që kur gostitë ma shumë mysafir ( ma shumë se 10 persona), nji tryezë ku secili mundet me u vet-shërby (byfe e hapun) kish me qenë nji zgjidhje ideale dhe praktike – sepse jo çdokush ka qejf me hangër çka i caktohet. Andaj edhe ne i kemi zgjedhë disa “Finger Food”, ambëlina dhe disa sygjerime pijesh ku secili mysafir mundet me e gjetë vehtën. Ndërkaq, nji prej mënyrave ma t’lehta e unike me ja ndreçë dikujt “jungle party-n” asht me i qëndru besnik/e motos n’t’cilën thirret ndeja duke e ndjekë nji vi mendimi n’kompletimin e tryezës, sikurse n’shembujt e maposhtëm:
Mundesh me e lexu edhe…
1. “Frozen” shtapiqa me kikirik
“Frozen” shtapiqat janë definitivisht nji prej ushqimeve që nuk duhet me t’mungu n’ditëlindjen që po e gostitë për fëmijun tand. T’lehta me u përgatitë, por edhe interesant me u pa, këta shtapiqa t’mbushun me kikirikë janë nji alternativë praktike dhe estetike që me e ba ndejën vërtetë me i lanë mbresa jo veç fëmijëve, por edhe t’rritunve. Kështu, krejt çka t’duhet janë disa shtapiqa me kikirik, pak çokollatë e bardhë, pak ngjyrosës i kaltër ambëlsinash dhe pak “sprinkles” t’kaltërta e t’bardha. Shkrije çokollatën e bardhë, mbuloji 2/3 e shtapiqit me çokollatën e shkrirë dhe spërkati shtapiqat me sprinkes. T’njejëtin hap e përsëritë poashtu për shtapiqat e kaltër, veçse çokollatësi shton pak ngjyrë.
2. Meze e ambël “Frozen”
Mezja e ambël / plata me ambëlsina asht nji prej alternativave t’cilat mundesh lehtësisht me e përgatitë n’kushte shtëpije. Për me realizu nji pjatë t’ngjashme, përdor produkte me nuancë t’bardhe dhe t’kaltërt. E mira e këtyre mezeve asht që mundesh lehtësisht me gjetë ambëlsina t’ndryshme n’dyqane dhe me e përgatitë shpejtë, duke ble politanka me shije vanille, keksa me limon, marshmallows t’bardha, haribo t’kaltërta, karamele dhe bonbone t’ndryshme me po t’njejëtën ngjyrë si dhe shtapiqa me çokollatë t’bardhë. Edhe ambëlsinat si perecat me çokollatë t’bardhë, macaroons shkojnë shumë n’pjata t’tilla, e jo veç meraklive t’filmit “Frozen” kanë me ju pëlqy, por edhe t’rritunve.
3. Brusketa me gjizë dhe boronica
Nji “Frozen” party ka nevojë edhe për ushqime – jo veë ambëlsina n’tryezë. Kështu, brusketat me gjizë dhe boronica janë gatesa t’lehta, praktike e t’shpejta t’cilat mundesh lehtësisht me i ba n’shtëpi. Rreshk bukët integrale, merr pak gjizë e përzije me pak mjaltë. Lyji brusketat me gjizën e mjaltësume , shto sipër boronica dhe servoji.
4. Popcorn / Kokicat “OLAF”
Kokoshkat / kokicat jana prej atyne ushqimeve që lehtësisht mundesh me i përgatitë për çfarëdo rasti, e pse jo edhe për nji “Frozen” party, veçanarisht kur e mendojmë që nji prej personazheve kryesore t’këtij filmi asht dordoleci “Olaf” i cili herë shkrinë e herë ngrinë. E bardha e kokicave shkon n’mënyrë perfekte me t’kaltërtën e ushqimeve e ambëlsinave t’tjera. E ma e mira e tyne asht që edhe mundesh me i përgatitë lehtësisht vet, por edhe mundesh me i ble t’gatshme n’dyqan, me i vendosë n’gota t’bardha letre e me e vizatu me marker karakerin ma simpatik me hunden prej karrote.
5. Keksa t’njelbët me sos Tzaziki dhe ullinj
Nëse veç ke merak me i bashkangjitë tryezës edhe diçka t’njelbët, atëherë keksat e kripun me sosin e famshëm grek Tzaziki dhe ullinjt e zi kallamata janë perfekt për tryezën e “akullt”, meqë ullinjt anojnë kah nuanca e t’kaltrës dhe e komplentojnë moton e tavolinës tande festive. Ti poashtu mundesh që n’vend t’keksave me përdorë bukë t’rreshkun e me kriju brusketa prej tyre.
6. Shkoptha “Olaf” me marshmallow
Pa shumë mund e harxhime edhe shkopthat me marshmallow munden me qenë nji mënyrë e mirë me e jetësu “Olaf-in” n’party-n e ftohtë akull. Mjafton me i marrë disa shkolltha e me i ngulitë marshmallow-t n’ta rend, me ju shtu pak çokollatë dhe M&M-s t’portokalltë për me e kriju dordolecin simpatik.
7. Qumësht “i ngrirë”
Ne shpesh herë po harrojmë me sa pak gjana mundemi me ua ba interesant ndejën e ditëlindjen fëmijëve, e po shkojmë po i japim zor me ba harxhime marramendëse, thjeshtë sepse nuk e kemi marrë mundin me mendu pak qysh me e realizu nji festë me nji moto t’caktume. Shembulli i ditëlindjeve “Frozen” asht shembull tipik që e dëshmon lehtësinë e realizimit t’nji ahengu t’tillë, meqë ke mundësi me produkte bazike me ba diçka interesant. Kështu, për picimulët/et e vegjël/la ti mundesh n’shishe t’bukura t’xhamit ose n’gota me vendosë qumësht që me i shoqnu me ambëlsina t’ndryshme e me ua “shitë” atyre për pije t’akullt. Mjafton me investu n’disa stickers-a ose pipa dekorativ.
8. “Frozen” limonata
N’nji party t’tillë nuk kanë pse mungojnë as pijet freskuese, t’cilat nuk ke nevojë me i ble (meqë kanë shumë sheqer), por mundesh me i përgatitë vet. Kështu, ti mundesh me përgatitë “Frozen” limonata duke i shfrydhë disa limona e duke shtu pak mjaltë ose sirup panje, do gjethe mente, ngjyrosës ambëlsinash ngjyrë t’kaltër, pak akull e ujë, e me i servu limonatat n’shishe ose n’gota xhami.
9. “Frozren” cupcakes
Nëse ke qejf mos me e maltretu as vehtën e as tjerët për pjata e enë, ataherë mënyra ma mirë e ma praktike për servim t’ambëlsinave asht me porositë ose gatu Cupcakes – meqë hahen ma lehtë, por edhe e kompletojnë pamjen e secilës tryezë. Kështu shijet klasike prej vanille t’cupcake-s veç lypë me ja shtu nji kremë t’bardhë ose t’kaltër dhe disa fjolla bore prej marcipani ose çokollate t’bardhë.
10. “Elsa” cupcakes
Nuk don diskutim që shumica e fansave t’filmit “Frozen” e idollizojnë Elsa-n – personazhin kryesor. E nji mënyrë e lehtë dhe praktike me i kthy cupcake-t ose muffins-at e thjeshtë n’ambëlsina joshëse asht duke ju vendos atyre sipër shkoptha dekorativ “Elsa” n’vend t’dekorimit t’kekut me marcipan (i cili zakonisht nuk hahet dhe gjuhet posht). Kësisoji, ‘pos që duken bukur, edhe hahen tanësisht, pa pasë nevojë me gju ushqim.
11. “Elsa” tortë ekstravagante
Nuk asht e thanun me shku çdoherë me opsione t’thjeshta, nëse je prej atyre që ke qejf me qenë ekstra e me e çu n’nivel tjetër ekskluzivitetin e ditëlindjes a festës t’fëmijut për t’cilin/ën po e organizon party-n. Kështu, nëse je t’u preferu me porositë nji tortë ekstravagante, atëherë kjo torte 2 katëshe me Elsa-n dhe Olaf-in asht idealja, veçanarisht nëse ke ftu ma shumë se 10-15 njerëz.
12. “Olaf” tortë
Ndërkaq, torta “Olaf” asht nji alternativë e mesme – as shumë e ngarkume dhe ekstravagante, e as shumë e thjeshtë dhe minimaliste. E që këtë tortë mundesh kudo me porositë nuk ka dyshim, madje me ja mësy pak mundesh me e përgatitë edhe vet. Ideale për festa me jo shumë mysafir (10-15) kjo tortë ish dasht me qenë ma se e mjaftueshme.
Pavarësisht se çka vendosë me provu e gatu, ne urojmë që n’fund ti e t’tjerët, veçanarisht fëmijët me u nda t’kënaqun. Mos harro që me randësi asht n’fund t’fundit me kalu mirë bashk me mysafirët dhe me investu n’mirëpritje, muhabet e atmosferë t’mirë.
Kujdes mos përgatit edhe tepër shumë ushqim e me t’shku dam – andaj, mos ha me sy, por mendo mirë për racionet që i servon. Ti njilloj mundesh me kqyrë edhe çka me përgatit’ kur nji “Jungle” party e gostit’, ose nji “pink baby shower”, nji “Blue baby shower”, a nji “bridal shower” e pse jo me u inspiru edhe prej rekomandimeve që i kemi vendosë për këto evente. Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
