Nëse je prej atyre që kur servon drekë a darkë preferon pjatën kryesore me e shoqnu qoftë me nji paragjallë apo sallatë, atëherë ne e kemi nji recetë simpatike dhe plot shije t’sallatës, e që po e provove jemi t’bindun që ke me e përgatitë ma shpesh.
Ideale për drekë a darkë, sallata mediterane me lakër asht pjata që i shkon secilës tryezë dhe që asht super e shijshme dhe e lehtë. Ajo madje qëndron e freskët për 2 ditë me radhë e kësisoji ti mundesh me i kursy edhe t’nesërmen vehtes kohë. Mjafton me i ndjekë 2 hapa t’thjeshtë.
PËRBËRËSIT:
Për dresing:
1/3 gotë vaj ullini
Langu i 1 limoni
1 lugë çaji kripë
1/2 lugë çaji biber i zi
1/2 lugë çaji oregano
1/2 lugë çaji hudhër pluhun
Mundesh me e lexu edhe…
Për sallatë:
1/2 lakër e bardhë (e prerë n’fije t’holla)
2 karrota (t’prera n’fije t’holla)
1 spec i kuq (e prerë n’fije t’holla)
1 tufë magdanoz i freskët (i prerë imët)
100 gr djathë feta (i imtësuar)
80 gr ullinj t’zi pa fara (t’prerë n’rriska)
HAPI 1:
Shto t’gjithë përbërësit e dresingut n’nji pjatë dhe me tel për përzirje përziji mirë.
HAPI 2:
N’nji pjatë t’thellë shto lakrën dhe perimet e tjera bashk me djathin.
HAPI 3:
Shto dresingun sipër perimeve, përzije sallatën mirë dhe servo.
REZULTATI:
Servoje sallatën me çfarëdo gjelle a ushqimi – meqë asht sallatë që kombinohet me gjithëçka. Madje, mundesh me e përdorë si kombinim edhe për sanduiçë t’ndryshëm. Megjithatë, ne po ta rekomandojmë që këtë pjatë me e përdorë si shoqnuese t’çorbës me perime, çorbës me pulë dhe thjerrëza, apo çorbës me thjerrëza dhe kërpudha.
E masi veç je hy n’artikull për sallata t’lakrës, këtu e ke edhe recetën e sallatës ma t’shijshme me lakër t’kuqe. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
