A je ka planifikon me pritë mysafir për ndonji mbledhi, festë a ditëlindje e nuk po din se çka me përgatitë? Ne e kemi nji super-recetë hazër për ty, veçanarisht nëse je merakli/ke i/e pastave, por i pëlqen edhe sallatat.
Sallata me makarona asht kombinimi ideal mes perimeve, sosit kremoz e pastave t’ftohta; kombinim t’cilin mundesh me e servu kudo e kurdo që ke mbledhi shoqnore e familjare. E ma e mira e kësaj pjate asht që edhe vegjetarianët munden me e hangër. E krejt çka t’duhet asht me i ndjekë 5 hapa t’thjeshtë.
PËRBËRËSIT:
2 ve (t’ziera)
1 spec i kuq
1 trup selino
1 qepë e kuqe
1 paketim makarona (t’vogla)
5 lugë gjelle majonezë
1 lugë gjelle vaj ullini
1 lugë gjelle uthull vere
2 kastraveca turrshi
Kripë dhe biber i zi (Opsionale)
1 lugë çaji hudhër pluhun
Mundesh me e lexu edhe…
HAPI 1:
Preje qepën, specin e kuq, selinon dhe vezët e ziera n’kubëza t’imëta.
HAPI 2:
Ziji makaronat për 10 minuta. Shpërlaji me ujë t’ftohë dhe kulloji mirë.
HAPI 3:
N’nji enë shto majonezin me vajin e ullinit, uthullën, erëzat dhe kastravecat turrshi. Përbërësit përziji mirë.
HAPI 4:
Vendosi makaronat, perimet dhe vezët n’nji enë t’thellë.
HAPI 5:
Shto sosin sipër perimeve e pastave dhe përziji ato mirë me njana tjetrën. Servo!
REZULTATI:
Kjo sallatë asht ideale me u servu si paragjellë apo pjatë shoqnuese n’çfarëdo mbledhie, veçanarisht kur organizon ditëlindjet, festat e ahengjet familjare. Poashtu, meqë asht sallatë e ftohtë, mundesh me përgatitë ma shumë e pastaj me e rujtë pjesën e mbetun n’frigorifer. Kësisoji 2 ditë mundesh me e konsumu sallatën.
E mbasi veç jemi te pastat dhe recetat vegjetariane, mos e le pa i provu shpagetat vegjetariane t’cilat edhe mos me kanë vegjetarian kanë me t’pëlqy. Ti poashtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
