Ndryshimet e motit s’voni e kanë ba ma t’zakontë shpërfaqjen e gripave e virozave t’ndryshme edhe kjo nuk po na pëlqen aspak. Viruset me kollë, hundë t’bllokume, kokëdhembje e probleme t’ndryshme, përpos që aspak t’kandshme me i pas’ përgjatë kohës kur veçse po sëmuremi, po ndikojnë edhe pas shërimit e po na lajnë ma t’lodhun e ma t’molist.
Nuk asht nevoja me i pritë e përcjellë gripat, kur mundemi me ju parapri me shumë pak harxh, edhe ma pak mund e shumë vitamina. Smoothie me mollë, karrota e xhenxhefil asht ideal për me t’mbajtë n’top formë gjatë kësaj periudhe. Krejt çka t’duhet asht 1 minut kohë, 1 blender dhe 3 përbërës.
PËRBËRËSIT:
2 karrota
1 mollë (e çfardoshme)
1 copë e vogël xhenxhefil
1 gotë ujë
Mundesh me e lexu edhe...
PËRGATITJA:
Shto të gjithë përbërësit n’blender. Bluje masën deri sa t’bahet e njitrajtshme dhe servo n’gotë.
Nëse je kurreshtar/e me ditë se cilat benefite i gëzon me konsumimin e këtij smoothie-t, ne po t’tregojmë se falë karrotave ti furnizohesh me beta-karoten; nji super antioksidant. Poashtu prej tyre merr edhe vitaminë C, K dhe E, furnizohesh edhe me kalcium, fibra dhe magnez. Kurse prej mollës e pajisë trupin me vitaminë C dhe B-kompleks, kalcium, fosfor, kalium e fibra. E krejt për fund, këtë kombinim veç sa e ban edhe ma t’fortë xhenxhefili i cili ka nji efekt qetësues dhe e ndihmon tretjen.
KËSHILLË:
Ne ta sygjerojmë që smoothie-n me e konsumu t’paktën 2 herë n’javë për me pasë efekt tamam. Mirëpo, lirisht shtoji edhe fruta t’tjera nëse mendon që kish me t’shiju edhe ma tepër. Mundesh me shtu dardha sezonale, kumbulla, dredhëza, mjedrra e pse jo edhe pakëz rrepë t’kuqe (cvekëll). Rrepën e kuqe e rekomandojmë n’veçanti për kando që ka pagjaksi.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
