Mëngjeset e nisuna mirë, janë ato mëngjese ku ushqehemi mirë. Andaj edhe asht mirë me e përgatitë nji mëngjes t’mbushun me vlera ushqyese e t’shnetshëm. Qata pjatat e kombinume me vezë janë ideale për nji super-mëngjes kampionësh e pse jo edhe ndonji vikend dembel a “Brunch” – e edhe shkencëtarët tashma e kanë dëshmu se 1 ve n’ditë asht mirë edhe për zemër. E ne nuk kemi qysh mos me i marrë për bazë këto këshilla t’ekspertëve e me t’furnizu me ide t’mira.
Ndreçja vehtës ditën me 1 prej 4 kombinimeve tona për mëngjes me ve t’rrahuna kombinime këto sa t’thjeshta e t’lehta, po aq edhe t’shijshme, t’ngopshme e t’shnetshme e që edhe ni amater /e n’kuzhinë mundet me ja dal me i përgatitë pa pasë nevojë me u lodhë shumë, por as me shpenzu shumë harxh.
1. Omlet, rriska buke me krem-djathë, tomatina dhe copëza avokadoje
Që nuk ka nevojë me ja kompliku vehtës sa herë t’i hapim sytë e dëshmon kombinimi jonë i parë, e që asht tejet i lehtë me u përgatitë. Mjafton me marrë 1/2 e avokados e me pre n’kubëza, 1/ grusht tomatina e me i nga n’mes, me e fërgu 1 omlet dhe me i ba bash n’pjatë me 1 copë bukë t’lyer me krem-djathë. Ky kombinim po që nuk don filozofi, as mund e as shumë harxh, ama me t’kënaqë t’kënaqë. E ma s’miri kjo pjatë hahet e shoqnume me 1 smoothie me pjeshkë dhe portokall.
2. Ve t’rrahuna, rriska domatesh dhe sallame pule, rriska avokadoje dhe bukë integrale
E thjeshtë, por megjithatë e ngopshme dhe simpatike asht edhe pjata e dytë me t’cilën mundesh me i marrë proteinat e yndyrnat e nevojshme për nji start t’mirë pa u lodhë shunmë. Krejt çka duhesh me ba asht me i fërgu do vezë t’rrahuna, me ja shtu pjatës 1/2 e domateve, 1/2 e avokados, 3 rriska sallamë pule dhe pak bukë integrale. E për ekstra shije, kësaj pjate mundesh me ja shtu edhe 1 gotë smoothie me ananas dhe qershia.
Mundesh me e lexu edhe…
3. Ve t;rrahuna, rriska domateje dhe avokadoje, krem-ajkë, rukollë dhe keks i njelbët
Edhe kombinimi i radhës asht prej atyre pjatave që lehtësisht me pak harxh arrinë me i plotësu kërkesat e organizmit për me qëndru i/e ngopun deri n’drekë. Mjafton me fërgu 2 ve t’rrahuna e me ja bashku pjatës 1/2 e avkokados e 1 domate t’prerë n;rriska bashk me 1lugë krem-ajkë, pak rukollë dhe 1 a 2 keksa t’njelbët. N’kombinime si kjo – thjeshtësia e ban t’vehtën. Po pate qejf me e forcu imunitetin, atëherë shoqnoje këtë pjatë mëngjesi me 1 smoothie me hurma dhe çokollatë.
4. Ve t’rrahuna, proshutë pule, rriska kashkavalli, sallatë mikse dhe bukë integrale me fara
Nji kombinim i t’illë definitivisht mundet me u konsideru mëngjese kambionësh, meqë vērtetë krejt çka ish dasht’ me e marrë prej vlerave ushqyese e ke n’pjatë. Kështu, 2 ve t’rrahuna, pak bukë integrale e pak proshutë pule e kashkavall si dhe pak sallatë e përgatitun me uthull e vaj janë krejt çka t’nevojiten për kërë sygjerim. E për ekstra shije mundesh vezëve me ju shtu do biber me fara speci. Po pate qejf, shoqnoje këtë pjatë mëngjesi me 1 gotë smoothie me mjedra dhe gjalpë kikiriku.
E meqë jemi tek rekomandimet për mëngjes, ne e dijmë sa e vështirë asht me i shti picimulët me hangër n’raste t’caktume, veçanarisht kur janë ma t’vegjël dhe e ngrijnë krytë lidhje palidhje. Andaj për ty që ke fëmijë t’vegjël, qe 4 ide se çka me ju përgatitë fëmijëve për mëngjes. Besa, përveç këtyre rekomandimeve, jemi t’bindun që edhe muffin-vezët me spinaq dhe djathë munden me ju pëlqy vocërrakëve, andaj provoji. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
