Mjedrat janë nji prej frutave t’malit t’cilat shumëkush i ka merak dhe i pëlqen. E pos shijes t’veçantë, ato njihen edhe si super-ushqim, meqë janë t’ulëta n’kalori, e t’mbushuna me vitaminë C dhe potasium. Njilloj edhe bademat njihen si nji prej frutave arrore ma t’shnetshme për konsum, meqë përmbajnë yndyrna t’shnetshme, fibra, magnezium, proteina dhe vitaminë E.
Nëse nuk e ke provu kombinimin e mjedrave me gjalpë bademash brenda nji smoothie-t, atëherë tash asht koha që ti me e ba nji gja t’tillë, meqë smoothie me mjedra dhe gjalpë basdemash asht nji prej recetave t’mëngjesit që n’dakik e ke gati e që lehtësisht mundet me u konsumu edhe si shujtë n’vehte, meqë ka vlera t’bollshme ushqyese.
PËRBËRËSIT:
120 gr mjedra
2 lugë gjelle jogurt grek
2 lugë gjelle qumësht
1 lugë mjaltë
1 lugë gjelle gjalpë bademash
2 kubëza akulli
PËRGATITJA:
Shto t’gjithë përbërësit n’blender. Bluje masën deri sa t’krijohet nji masë e njitrajtshme dhe smoothie t’mos ketë copa t’bademave ose t’akullit brenda. Servo!
REZULTATI:
Servo smoothie-n n’gotë, ose vendose n’shishe t’xhamit e shtoji disa mjedra sipër për dekorim, ose ruje n’frigorifer. Ky smoothie qëndron i freksët për 2 ditë. Thjeshtë çka duhesh me ba asht me e shkundë shishen mirë para përdorimit. Ngjashëm me këtë recetë, ti mundesh me përgatitë edhe smoothie bowl-in e ngrirë me mjedra dhe banane – po që se ke qejf me konsumu smoothie n’formë t’akulloreve,
E nëse je n’kërkim t’ideve t’tjera për smoothie – ne t’i kemi radhitë edhe 5 smoothie me mango; ku secila prej këtyre pijeve asht ma e mirë se tjetra, edhe secilën prej tyre e ke gati brenda 2 minutave.
E nëse ke pagjaksi dhe ke nevojë me e forcu imunitetin e me i shtu rruzat e gjakut, atëherë t’rekomandojmë me e provu smoothie-n me mollë dhe rrepë t’kuqe (cvekëll). Shijo/ katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria