Avokadoja asht nji prej frutave (por që shfrytëzohet si perime) që njihet për përfitimet shëndetësore dhe vlerat ushqyese, meqë asht frut që ofron yndyrna t’ngopshme e t’shnetshme për organizmin tonë. Pra, jo kot shumica e njerëzve t’shnetshëm pjesë t’dietës t’tyre e kanë edhe konsumimin e avokados n’forma t’ndryshme.
Kremoziteti dhe shija unike e avokados janë 2 cilësi që e komplementojnë secilën pjatë a shujtë, dhe padiskutimisht avokadoja kombinohet mirë e lehtë me shumë ushqime t’tjera. Mirëpo, ne kësaj radhe kemi përzgjedhë 5 kombinimet ma interesante t’pjatave me avokado – me shpresën që ke me i provu e me i futë n’menynë tande.
1. TORTILLË MËNGJESI ME VE DHE AVOKADO
tortillat e mëngjesit janë ba tashma trend n’rrjete sociale prej shumë blogerëve e blogereve t’fitnesit e t’ushqimit – me t’drejtë; po ta jepin startin që nime t’duhet për me pasë nji ditë t’mirë e efektive. E këtë e ka dëshmon tortilla e mëngjesit me ve dhe avokado; pajtë t’cilën n’3 hapa e ke gati.
2. SALLATA ME AVOKADO DHE DOMATE
Shijen meksikane mundesh me e pru n’cilëndo pjatë a tryezë nëse e përgatitë sallatën me avokado dhe domate; sallatë t’cilën n’2 hapa e ke gati, e që shkon shumë me tortilla, enchilada, e çipsa. As kohë e as mund nuk t’merr, ama shijen ta ofron menjiherë.
Mundesh me e lexu edhe…
3. SMOOTHIE ME AVOKADO DHE BORONICA
Smoothie me avokado dhe boronica asht receta që ta ofron ambëlsinë e thartësinë e frutave dhe kremozitetin e avokados. E mbushun me fibra dhe vlera ushqyese, nji gotë e mbushun me këtë smoothie ka kapacitet me t’mbajtë t’ngopun deri n’drekë, pa pikë problemi.
4. VEZË ME FILL AVOKADOJE
Vezët me fill avokadoje janë nji delikatesë e përshtatshme për çfarëdo rasti dhe që mundesh me i përgatitë lehtësisht n’shtëpi, pa u harxhu fort e pa i marrë kohë vehtes për përgatitje. N’total t’nevojiten veç 15 minuta – kuptohet, nëse i ndjekë 3 hapat tonë.
5. KUTI PAUZE ME VE DHE SOS AVOKADOJE
Kuti pauze me ve dhe sos avokadoje asht sygjerimi jonë për kando që don me u ushqy mirë, shnetshëm e pa u lodhë shumë n’përgatitje t’shujtave, veçanarisht nëse edhe synon me i përgatitë shujtat për pauzë e me i marrë me vehte n’punë. Lehtë, thjeshtë dhe mirë – ky sygjerim përmbanë vlera t’mjaftueshme ushqyese, por edhe shijon fort.
E meqë jemi tek avokadoja, ti mundesh me rregullu cilëndo pjatë t’tandën me avokado, duke kriju lule prej avokados; lule e cila asht ba bajagi virale nëpër bllogjet e nutricistëve dhe influencerëve t’kuzhinës e fitnesit. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
