Kafja apo suplementet e gatshme jo gjithnjë funksionojnë kur ju duhet të jeni më energjikë. Mënyra më e mirë për të qëndruar të tillë është ta bëni në mënyrë natyrale, duke nisur nga zakone të vogla të përditshme gjatë rutinës suaj.
Pusho pak, por fuqishëm!
Një pushim i shkurtër për 25-30 minuta do të ju ndihmojë të merrni veten nëse ndiheni të lodhur, por mos harro të vendosësh alarmin për t’u zgjuar fiks pas kësaj kohe. Kjo është kohëzgjatja perfekte për të marrë gjithë përfitimet që vijnë nga gjumi i shkurtër i drekës ose pasdites, ku më kryesorja është energjia e shtuar!
Vendos një limit kafeine
Ndonëse dihet që kafeina ju ndihmon në rritjen e energjisë, është e rëndësishme ta limitoni sasinë e saj gjatë ditës sepse në momentin e parë që mund të hiqni dorë prej saj do të ndiheni të lodhur. Pra, përpiquni të mos krijoni varësi ndaj kafes për të qëndruar aktivë. Përveç kësaj, mund të ndjeni më pak ankth dhe stres duke e reduktuar. Sasia optimale e kafeinës që ju duhet është deri në 400 miligramë.
Mundesh me e lexu edhe...
Ushtro, mundësisht në natyrë
Ushtrimet fizike, kudo t’i praktikosh janë ide e mirë, por nëse doni të ndiheni më të gjallë gjatë ditës dhe më me energji, ushtrohuni në natyrë. Niveli i stresit do të reduktohet ndjeshëm, do të jeni në humor më të mirë dhe mbi të gjitha do të merrni vitaminë D në mënyrë natyrale.
Ha më shumë proteina
Shmangni ushqimet e ëmbla dhe karbohidratet sa herë të ndjeni që keni nevojë për të ngrënë diçka dhe në vend të tyre konsumoni proteina. Grupi i parë mund t’ju shijojë dhe t’ju bëjë të ndiheni më mirë për momentin, por gjatë ditës do të ndiheni të fryrë, të lodhur dhe pa dëshirë për të bërë gjëra.
Qëndro i/e hidratuar
Pi të paktën tetë gota uji në ditë për me pasë energjikë dhe me qendru kthjellët gjatë ditës. Dehidratimi do t’ju ndikojë tek funksioni i trurit, duke ndikuar në ulje të humorit, kujtesës, përqëndrimit dhe dhimbje të kokës. Kështu që pi sa më shumë ujë për një ditë sa më të mirë.
Përgatiti:
