Nuk ka ma mirë se me ra n’receta që janë lehtë t’kombinueshme me shumë ushqime e pjata e t’cilat lehtësisht mundesh me i përgatitë n’kushte shtëpije. Kështu ne vazhdimisht jemi n’kërkim t’recetave t’tilla e po m’duket që kësaj here ja kemi qëllu fiks fare, me nji recetë t’shijshme vegjetariane që shkon bash me gjithçka.
Kërpudhat e mbushuna me qiqra dhe arra nuk dështojnë me sjellë risi tek ata që i provojnë, pikërisht për shkak t’përbërësve unik e që i japin ekstra secilës kërpudhë. E çka asht ma e mira – mundesh n’5 hapa me e përgatitë këtë delikatesë unike, vegjetariane dhe plot shije.
PËRBËRËSIT:
18 kërpudha mesatare (bishtat e prerë n’kubikë)
2 lugë gjelle vaj ullini
1/4 qepë (e grirë imët)
2 thelpinj hudhre (t’grira imët)
½ gotë arra të copëtuara
4 degë trumze (t’copëtume)
½ gotë qiqra / leblebia t’konservume
½ gotë parmezan (i grirë)
1 lugë magdanoz (i grirë)
2 lugë çaji uthull balsamike (opsionale)
¼ lugë çaji kripë
¼ lugë çaji biber i zi
HAPI 1:
Para se me fillu me përgatitje, nxeje furrën n’200 C. Pastroji mirë kërpudhat dhe thaji ato. Largo bishtat, preji ato imët dhe ruaji për mbushje.
Mundesh me e lexu edhe…
HAPI 2:
Shtriji kërpudhat n’tepsi t’lyme pakëz me vaj.
HAPI 3:
N’tigan shto copëzat e prera t’bishtave t’kërpudhave, shto qepën, hudhrën, vajin, erëzat dhe arrat e kavërdise masën për 5 minuta dhe largo tiganin prej furrës.
HAPI 4:
N’nji enë t’ndarë shto magdanozin, qiqrat dhe parmezanin. Shtypi qiqrat me piru dhe përzije masën mirë e pastaj bashko edhe fërgesën. Përzije masën mirë.
HAPI 5:
Mbushe brendinë e kërpudhave me miksin e krijum dhe sipër shto parmezan t’grirë. Pjeki kërpudhat për 15 minuta. Largo tepsinë dhe servo.
REZULTATI:
Servoji kërpudhat si pjatë n’vehte apo si shoqnuese t’pjatave kryesore sikurse janë patatet me lulelakër n’tavë, apo pjatat e ndryshme me oriz. Ti poashtu mundesh që këto kërpudha me i servu n’nji meze t’përzier bashk me tomatinat e mbushuna me djathë, apo n’nji meze t’nxehtë bashk me shkopthat prej kashkavalli dhe 4 super sosat për meze.
E pasi që veç jemi tek mezet dhe gjanat e mira, mos e le pa u informu për krejt gjanat që DUHESH me i ditë kur je t’u gostitë mysafir. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
