Kek çokollate pa miell; keku që secilën ditë ta ndreçë

Kushdo që asht merakli i kafes e çajit e din që këto t’dyja ma s’miri shkojnë kur i shoqnon me diçka t’ambël e t’lehtë n’shije. Keksat e kekët e ndryshëm patjetër që zajnë vend t’veçantë n’tavolinën e shtume me çaj a kafe. Keku me portokall dhe thana, keksat me gjalpë kikiriku dhe reçel, apo keku me mollë dhe kanellë janë disa nga recetat tona t’famshme që i kemi nda me juve e që janë pëlqy tej mase. E sot listës t’ambëlsinave ia shtojmë edhe nji ambëlsinë tjetër plot shije.

Keku i çokollatës pa miell asht receta e radhës t’cilën mundesh me e përgatitë kurdo që ke merak me hangër diçka t’ambël e t’shijshme. Ky kek asht i përshtatshëm me u gatu n’rastet kur don me pritë mysafirë, ke qejf me e gëzu dikand me nji ambëlsinë, e pse jo edhe kur don me ja ba qejfin vehtës dhe familjarëve. Andaj t’inkurajojmë me i siguru përbërësit e listuar ma poshtë dhe me i ndjekë hapat siç t’i kemi renditë.

PËRBËRËSIT (Për kekun):

1 lugë gjelle kakao pluhur
280 gr çokollatë për gatim
150 gr gjalpë
5 t’verdhat e vezës + 3 t’bardhat e vezës
5 lugë gjelle sheqer
2 lugë gjelle sheqer pluhun
1 lugë çaji ekstrakt vanille
1/8 lugë çaji kripë
2 t’bardha t’vezës

PËRBËRËSIT (Për gllazurën):

50 gr gjalpë
200 gr çokollatë e ambël

HAPI 1:

Nxeje furrën n’150 C dhe fillo shkrije çokollatën dhe gjalpin n’pjatë t’thellë sipër tenxheres me ujë t’vluar. Përzije masën deri sa çokollata dhe gjalpi t’shkrihen e t’njitrajtësohen tanësisht. Mbasi t’jetë kriju masa e shkrifët, largoje pjatën anash dhe leje me u ftohë.

HAPI 2:

N’nji enë t’thellë shto t’kuqet e vezët dhe përziji me mikser. Shto gradualisht sheqerin, vanillën dhe kripën e përzije masën mirë deri sa ajo t’marrë ngjyrë t’verdhë t’zbehët, me konsistencë t’trashë sikurse shllagu.

HAPI 3:

Shto çokollatën e shkrirë sipër shkumës me vezë dhe gradualisht përzije masën ngadalë.

HAPI 4:

N’nji enë tjetër shto t’bardhat e vezës bashk me 2 lugë sheqer dhe përzije masën me mikser n’shpejtësi mesatare deri sa t’shkumohet masa e t’merr konsistencë shllagu.

HAPI 5:

Shto miksin me t’bardhën e vezës sipër masës me çokollatë dhe lehtësisht me lugë druni përzije masën deri sa t’njitrajtësohet, por sigurohu mos e me e përzi tepër. Shto masën n’tepsi për kek, rrafshoje mirë masën dhe vendose n’furrë për 35 minuta.

HAPI 6:

Largo kekun prej furrës, leje me u ftohë për 1 orë dhe pastaj largoje prej tepsisë/kallëpit.

HAPI 7:

Shkrije çokollatën e mbetun për bllazurë duke e vendosë ujin n’tenxhere e duke e vlu, shto sipër pjatën me çokollatë dhe përzije masën deri sa t’shkrihet hanësisht. Largoje prej shporetit kur t’jetë shkri çokollata.

HAPI 8:

Derdhe çokollatën sipër kekut dhe përhape me spatullë deri sa t’mbulohet i gjithë keku. Leje me u ftohë n’frigorifer për t’paktën gjysmë ore dhe servo.

REZULTATI:

Servoje kekun me pak kakao sipër, reçel dredhëzash dhe mjedra t’freskëta dhe shoqnoje me nji filxhan kafe a çaj. Poashtu, kurdo që ke kohë, mos e le pa e provu edhe kekun me limon t’cilit kërkush s’i reziston, e pse jo edhe keksat me limon – nëse e ke merak shijen dhe aromën e limonit. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria