Idetë e ndryshme për ushqim, servim dhe dekorim t’pjatave festive janë element i randësishëm i cilësdo festë. Kujdesi për detaje, servim e dekorim asht hap i randësishëm dhe që e ban diferencën n’raste ma speciale. Pjatat festive nime i japin hijeshi edhe ma shumë secilës tryezë, veçanarisht kur kemi motive t’mëdhaja për me nda gëzimin me ma t’dashtunit tanë.
A je ka planifikon me organizu nji “Baby Shower” qoftë për vehte, apo dikand që e ke afër zemrës, por nuk po din se çka me përgatitë a porositë, por n’anën tjetër po e don me e bo nji “Pink Themed Party”? Mos ta ndinë, ne kemi ardhë me disa rekomandime dhe ide interesante.
Duhet me ditë që kur gostitë ma shumë mysafir ( ma shumë se 10 persona), nji tryezë ku secili mundet me u vet-shërby (byfe e hapun) kish me qenë nji zgjidhje ideale dhe praktike – sepse jo çdokush ka qejf me hangër çka i caktohet. Andaj edhe ne i kemi zgjedhë disa “Finger Food” dhe disa sygjerime pijesh ku secili mundet me e gjetë vehtën.
1. MEZZE E AMBËL – PJATË AMBËLSIRASH “PINK”
Mezja e ambël / plata me ambëlsina asht nji prej alternativave t’cilat mundesh lehtësisht me e përgatitë n’kushte shtëpije. Për me realizu nji pjatë t’ngjashme, përdor produkte me nuancë t’bardhe dhe t’pembe (PINK). E mira e këtyre mezeve asht që mundesh lehtësisht me gjetë ambëlsina t’ndryshme n’dyqane dhe me e përgatitë shpejtë. Kështu ti mundesh me ble politanka me shije dredhëze, keksa me limon, marshmallows t’bardha dhe pink, haribo, karamele dhe bonbone t’ndryshme me po t’njejëtën ngjyrë si dhe shtapiqa me çokollatë dredhëze. Edhe ambëlsinat si perecat me çokollatë t’bardhë, macaroons shkojnë shumë n’pjata t’tilla. Shkurt e shqip – leje imagjinatën me t’udhëheqë.
2. PINK PIJE FRESKUESE (JO ALKOOLIKE)
Natyrisht që n’nji nejë t’tillë ku motoja për dekorim dhe servim asht ngjyra specifike “PINK” , edhe pijet freskuese duhet me qenë n’harmoni me pjesën tjetër t’tryezës. Kështu, nëse ke mysafir që preferojnë mos me pi alkool, limonatat e ndryshme prej frutave t’malit, por edhe langjet sikurse langu i shegës, langu i mjedrrës apo sirupi i trandafilave janë opsione perfekte. Servoji n’gota elegante t’çfarëdoshme, apo edhe n’shishe t’bukura xhami sikurse n’shembulln tonë.
3. PARFAIT DREDHËZASH
Përgatit parfait me dredhëza dhe reçel dredhëzash nëse ke kohë. Mjafton me përzi pak jogurt grek me reçel dredhëzash dhe mjaltë, me i vendosë n’gota dekorative, me i shtu reçel sipër gotës dhe copëza dredhëze për dekor. E nëse je n’dyshime për këtë sygjerim, shqyrtoje si alternativë me përgatitë puding dredhëzash n’vend t’parfait-it.
4. BRUSKETA ME HUMUS-RREPE
Deri tash sygjerum’ veç gjana t’ambla, por asht ma se e qartë që duhet me u servu edhe ushqim i njelbët. Andaj, brusketat me humus-rrepe janë sygjerimi jonë. Rreshk bukët integrale, merr humus klasik dhe shto pak rrepë t’kuqe dhe bluje n’blender për me kriju njgjyrën e pembe, shto rrepka t’prera n’rriska t’holla dhe rriska karrotash për dekor.
Ngjashëm ti mundesh me i përgatitë brusketat me humus-rrepë me pak parmezan dhe sallatë t’gjelbër, rreepkë dhe avokado po deshe.
5. “PINK” HARIBO N’SHTAGË
Nëse don me shku ekstra, ideja e haribove n’shtagë, njilloj sikurse edhe frutat n’shtagë sigurtë ka me rezoltu e suksesshme dhe ka me i intrigu mysafirët me i provu. Mjafton me zgjedhë n’dyçan haribo e karamele me shije dredhëze e manaferre / frutash mali, e që kanë forma t’ndryshme dhe me i ngulë n’shtaga skare. Lehtë, shpejt, mirë e bukur – çka po don ma shumë?
6. BRUSKETA ME KREM-DJATHË BORONICE DHE SHEGË
Njejtë por edhe ndryshe prej brusketave t’lartpërmenduna, brusketat me krem-djathë dhe boronicë mundesh lehtësisht me i ba n’shtëpi. Kështu gjersa rreshken bukët n’furrë, n’blender shto 200 gr krem-djathë, 2 lugë mjaltë, 1 gotë boronica dhe bluji deri sa t’krijohet nji masë e njitrajtshme. Lyji brusketat me krem-djathin , shto copëza shege dhe fara liri sipër e servoji. Jemi t’bindun që kushdo që pëlqen shije interesante ka me u fascionu prej tyre.
7. “COTTON CANDY” PROSECCO
E për kando që e din që ka merak me festu t’u pi, ideja e gotave t’prosecco-s me pambuk sheqer asht diçka që mirëpritet prej shumëkujt. Mjafton me zgjedhë nji “Prosecco Rose” dhe me marr n’dyqan pambuk sheqer rozë (zakonisht gjinden t’paketume n’gota plastike). Vendos prosecco-n n’gotat e dëshirume, shpërndaje sipër rrethit t’gotës pambuk sheqerin – kaq.
Njilloj, ti mundesh këtë gja me ba edhe me prosecco-n klasik (t’bardhë) po që se nuk gjenë prosecco rozë, ose n’rast se e pëlqen shijen klasike ma shumë.
8. SALLATË RUKOLLE ME RREPË T’KUQE
E inspirume prej sallatës t’rukollës me mollë dhe shegë, sallata e rukollës me rrepë t’kuqe asht ideale për nji “Pink Baby Shower”, sepse, edhe shkon me pjesën tjetër t’tryezës, por edhe përgatitet lehtësisht. Mjafton me marrë nji enë t’thellë, me shtu rrepën, rukollën, kokrrat e shegës, djathin feta dhe nji dresing klasik sallate për me e kriju nji pjatë plot shije për mysafirët.
9. PINK DONUTS
Për me ju ofru variacione ma shumë mysafirëve, n’vend t’tortës, ne t’sygjerojmë me ble ose porositë ambëlsina ma t’vogla – ku nuk ka nevojë kërkush me u marrë me thika e pjata. Donuts me gllazurë rozë asht nji prej rekomandimeve t’tona praktike kësaj radhe.
10. PINK CAKE POPS
Cake Pops, ose kekët n’shkoptha janë trendi i ri. Interesant me u pa, pak harxhim edhe shumë lehtë t’ndame n’sasi t’vogla – këta kekë nime po e kryjnë t’vehtën. E këto lehtësisht mundesh me i përgatitë n’shtëpi, ose edhe me i porositë n’aq copë sa ta merr mendja që ke nevojë.
T’gjitha këto rekomandime janë parapa me u servu n’tavolinë suedeze ku secili mundet me u vet-sherby. Nëse e ke sosë me porositë ose përgatitë torte, ne definitivisht ta rekomandojmë ndonji Cheese Cake me fruta mali, po ende ma mirë e ma praktike e ke me porositë ose gatu Cupcakes – mqë hahen ma lehtë, por edhe e kompletojnë pamjen e secilës tryezë.
Pavarësisht se çka vendosë me provu e gatu, ne urojmë që nfund ti e t’tjerët me u nda t’kënaqun. Kujdes mos përgatit edhe tepër shumë ushqim e me t’shku dam – andaj, mos ha me sy, por mendo mirë për racionet që i servon. Gëzuar! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
