Ha çka t’hash – n’daç ushqim italian, n’daç meksikan, kinez a tajlandez, kur vjen puna te do gatesa tradicionale Shqiptari gurman e ka problem me rezistu, edhe me shumë t’drejtë!
Leçeniku apo Buka e misrit (me purri) asht nji prej gjanave ma t’shijshme, por edhe t’shnetshme t’kuzhinës tonë. I lehtë me u përgatitë e me zarzevate jo fort t’kushtushme, receta ma poshtë ka me t’shti që kurdo që ke pak kohë e disponim me e shti nji tepsi.
Përbërësit:
3 ve
4 lugë miell
1 gotë vaj luledielli
600-700 gr miell misri
500-600 ml kos (jogurt)
1 pluhur për pjekje / pecivë
1 lugë të mesme kripë
2-3 purri të grirë imët
150-200 gr djathë të troshit
Përgatitja:
HAPI 1:
Nxeje furrën në 200°, 5 minuta para se me fillu përgatitjen e masës. N’nji enë shto vezët, kosin, vajin, kripën e pluhurin për pjekje. Përzije mirë masën me tundësen (telin për përzimje). Shto miellin e bardhë e gradualisht edhe miellin e misrit. Përzije masën deri sa t’njajtësohet.
Mundesh me e lexu edhe…
HAPI 2:
Pasi t’i kesh pastru mirë, merri purrinjtë e imtëzoji mesatarisht. Shto copëzat e purrinjëve n’masën me miell misri.
HAPI 3:
Merr djathin e imtësoje mirë. Shto copëzat e djathit. Përziji mirë me masën e misrit me purri.
HAPI 4:
Merre tepsinë e lyje me pak vaj, shto masën edhe pjeke për 30-40 minuta (varësisht se kur e sheh që korja ka marrë ngjyrë t’artë. Largoje tepsinë prej furrës, vendosja nji harrën (pecetë) sipër edhe leje pak me u ftohë. Preje leçenikun e servo me djathë, speca turrshi ose speca t’fërgum, kos e patligjona. Shijo!
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
