Krejt e dijmë sa e vështirë asht me ua mbushë fëmijëve mendjen me hangër ma shumë pemë dhe perime. Disa refuzojnë se nuk u pëlqen shija, disa mashtrohen e gjykojnë prej pamjes t’frutit e disa veç e kanë krytë e fortë. Dyfish ma vështirë asht me mos me i leju me hangër shumë ambël, t’u e ditë që ambëlsinat edhe i lajnë t’pa ushqym mirë, por edhe ndikojnë keq n’organizmin e tyre.
Banana popsicles janë nji prej recetave që munden me t’ndihmu, nëse ke fëmijë, don me ja ndrru shprehinë e t’ushqymunit, por edhe don me e lanë me qenë fëmijë e me ju ditë lezet gjanave. Përveç plot me vlera ushqyese prej bananes dhe çokollatës t’zezë, këto popsicles mundesh me i pasunu n’shije dhe vlera ushqyese edhe me dekorin që ua bashkangjet.
Krejt përgatitja, pos e thjeshtë, asht edhe shumë e shpejtë; t’i merr 10 minuta kohë me i bo gati dhe 10 t’tjera me qenë t’gatshme për servim. Mjafton me i ndjekë hapat e maposhtëm:
HAPI 1:
Siguro paraprakisht shkoptha për mish n’skarë ose shkoptha t’akullores. Qëro bananet dhe ndaji n’mes. Vendose bananen deri n’mes t’shkopit.
Mundesh me e lexu edhe…
HAPI 2:
Vendose 200 gr çokollatë t’zezë me 1 lugë vaj n’gotë t’thellë . Gotën vendose n’enë me ujë t’nxehtë. Përzije çokollatën deri sa t’shkrihet plotësisht. Largoje gotën n’nji vend stabil. Fute 3/4 e bananes n’gotë e mbuloje mirë me çokollatë. Bananet n’shkoptha vendosi n’tepsi me letër gatimi.
HAPI 3:
N’pjata t’vogla vendos çkado që ta merr mendja që i pëlqen fëmiut tand me hangër. Mundesh me vendosë arra t’grimcume, fruta t’thatë, thërrmija kokosi ose kikiriku, e pse jo edhe “sprinkles”. Merr çka ke qejf e shtoje sipër bananes me çokollatë, ende pa u forcu çokollata. Mundesh edhe gjalpë kikiriku me vendosë sipër.
HAPI 4:
Ky ish dashtë me qenë rezultati parafinal. Leji bananet për 10 minuta n’frigorifer me u ftohë e mandej servoja t’voglit/t’voglës tande, e pse jo – haje edhe ti njo!
Ky artikull është përgatit’ nga Kaltrina Zhushi. Për me pa receta të mira dhe të shëndetshme, mundeni me e vizitu blogun e saj në Instagram: https://www.instagram.com/gurmaneria/
Përgatiti:
