Flladite e kënaqe shpirtin me nji mentë-limonatë, n'2 hapa t'thjeshtë

DIsa prej nesh kemi mrri me nji fazë n’jetë ku arrijmë me u kënaqë me pak dhe ku ndjesinë e falenderimit e ndjejmë tek gjanat e vogla, por që po nisëm me i vërejtë, patjetër që e bajnë diferencën. Kështu, gjersa shumica e kërkojnë lumturinë tek gjanat madhore dhe t’zorshme për me u arritë shpejtë, ne synojmë që kënaqësitë me i pas’ t’realizueshme dhe përmbushëse me aq sa e kem kaqikun.

Contents

Nëse je prej atyre që ke e din me pak me u kënaqë, atëherë asht koha që me ja ba qejfin vehtës, e pse jo edhe t’tjerëve me nji gotë t’mbushun plot shije e freski mentë-limonate – recetë kjo që as nuk don shumë mund e harxh për me e përgatitë, por që padiskutimisht i plotëson kriteret për me u cilësu si nji ndër super-pijet e kësaj vere.PËRBËRËSIT:HAPI 1:HAPI 2:

Nëse je prej atyre që ke e din me pak me u kënaqë, atëherë asht koha që me ja ba qejfin vehtës, e pse jo edhe t’tjerëve me nji gotë t’mbushun plot shije e freski mentë-limonate – recetë kjo që as nuk don shumë mund e harxh për me e përgatitë, por që padiskutimisht i plotëson kriteret për me u cilësu si nji ndër super-pijet e kësaj vere.

PËRBËRËSIT:

1 grusht mente
6 limona (t’shtrydhun)
1/2 gotë sheqer
1 litër ujë
1 lugë gjelle sirup trëndafili / mjaltë – opsionale

HAPI 1:

Ntenxhere shto ujin, sheqerin dhe sirupin e trëndafilit e përziji ato për 3-5 minuta. Pra, deri sa sheqeri t’jetë tretë tanësisht. Largo tenxheren prej shporetit dhe leje masën me u ftohë.

HAPI 2:

Shtrydhi limonat fillimisht dhe shtoje langun e imonave bashk me gjethet e mendës n’blender. Bluje masën mirë deri sa t’bahet e njitrajtshme. Gradualisht shtoja masës sasinë me ujë dhe sheqer e përzije. Vendose limonatën n’bakall ose shishe xhami dhe leje me u ftohë.

- ADVERTISEMENT -

Para se me e servu limonatën, shtoji enës copëza akulli dhe rriska limoni për ektra shije dhe freski. Servoje atë n’gota t’mbushuna me akull dhe shoqnoje pijen edhe me disa gjethe mente.

Shijoje nji gotë limonatë ulun dikund n’hije e mos ja prish vehtës qejfin deri sa t’e shterrsh gotën. Mos harro, gjanat ma t’mira n’jetë nuk kanë t’pagume – e nji moment freskues, n’qetësi e pa stres asht nji prej atyre gjanave t’cilat nuk mundesh me i ble, por mundesh me i ba.

E meqë jemi tek pijet e “flladitshme” dhe plot shije, mos e le pa e provu edhe limonatën klasike, smoothie-n me bostan, ose smoothie-n me pjepën – trijat këto super pije e që ja vlenë me i përgatitë. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria