Nga zagushia ndodh zgjerimi i enëve të gjakut dhe përkeqësohen simptomat e shtypjes së ulët të gjakut
Simptomat janë: marramendja, shikimi i turbullt, puna jo e rregullt e zemrës, shtimi i etjes, frymëmarrja e shkurtër, lëkura e ftohtë, e djersitur dhe e zbehtë, por edhe alivanosja.
Në shumicën e rasteve shtypja e ulët e cila shfaqet te të rinjtë dhe te njerëzit e shëndetshëm nuk është diçka që duhet për t’u brengosur, pos nëse nuk është pasojë e sëmundjeve të caktuara apo të barnave. Duhet të silleni kështu:
Mundesh me e lexu edhe...
Para së gjithash, nuk duhet të qëndroni gjatë në këmbë në një vend, posaçërisht jo në diell. Kini kujdes të mos bëni lëvizje të vrullshme, si edhe të pini sa më shumë lëngje.
Gjatë ditëve të ngrohta njerëzit e rrezikuar me tension të ulët, por edhe personat me tension të lartë të gjakut duhet të kujdesen.
Tensioni i lartë është më i rrezikshëm, sepse rrit rrezikun nga sëmundjet e zemrës, infarktit dhe dështimit të veshkave, mirëpo problemet janë më të shpeshta dimrit kur enët e gjakut për shkak të të ftohtit ngushtohen, prandaj kalueshmëria e tyre zvogëlohet, gjë që rrit presionin, transmeton Telegrafi.
Simptoma e tensionit të lartë mund të jenë: marramendja, por edhe dhembja e kokës, përkatësisht e qafës, si edhe ndjenja e peshës në koshin e kraharorit dhe lodhja e shpejtë.
Një ndër simptomat e tensionit të lartë mund të jetë çrregullimi i shikimit, por, fatkeqësisht, mund të çojë edhe në sulm në tru.
Tensioni i lartë më së shpeshti mund të rregullohet pa ilaçe, dhe kur njëherë normalizohet është e mundshme të mbahet në nivel të shëndetshëm duke iu përmbajtur shprehive të shëndetshme.
Baza e ushqimit e personit me tension të lartë të gjakut duhet të jenë pemët dhe perimet, mishi i peshkut, por sa më pak mish të kuq. /Katror.info
Përgatiti:
