Sa ma e thjeshtë receta e nji pjate, aq ma e t’garantume e ke shijen n’disa raste. Këtë e dëshmojnë shumë receta t’cilat i kushtojnë randësi thjeshtësisë e lehtësisë t’përgatitjes, e që edhe hiç mos me ditë me gatu, nuk mundesh me ja huqë po i ndjeke udhëzimet. Kësisoji, receta jonë e kaqikave t’pjekun n’furrë (n’3 hapa t’thjeshtë), si dhe receta e pulës me marinadë greke, kanë mundësi me u përgatitë n’sasi ma t’madhe e me u kombinu me ushqime e perime t’ndryshme përgjatë shujtave.
Kofshë pule greke me perime t’pjekuna n’furrë, asht receta t’cilën po ta rekomandojmë n’daç me hangër mirë, shnetshëm, me u ngi e mos me u lodhë shumë t’u përgatitë. Poashtu, kjo recetë asht shumë e përshtatshme për kando që ruhet pak n’ushqim, ushtron, i kushton randësi vlerave ushqyese dhe ka preferon me marrë ushqimin e tepër t’drekës a darkës me vehte n’punë.
PËRBËRËSIT PËR PULËN:
4-6 kofshë pule
2 lugë gjelle vaj ullini
2 lugë gjelle lang limoni
2 thelpinj hudhër (t’prera n’rriska)
2 lugë çaji oregano
1/4 lugë çaji biber i kuq
Kripë dhe biber i zi (Opsionale)
PËRBËRËSIT PËR PERIMET:
1.5 kg patate (t’prera n’copë mesatare)
1/2 qepë e kuqe (e prerë n’copë mesatare)
1 lugë gjelle vaj ullini
1 lugë çaji oregano
1 domate (e prerë n’copë mesatare)
10-12 speca t”vegjël pikant
Mundesh me e lexu edhe...
PËRBËRËSIT PËR SERVIM:
2 lugë gjelle majdanoz i freskët (për servim)
100 gr djathë feta (i grimcuar – për servim)
1 limon (i prerë n’rriska – për servim)
HAPI 1:
N’nji enë mesatarisht t’thellë shto kofshët e pulës bashk me hudhrën, vajin dhe erëzat e leje me u marinu n’frigorifer për 15 minuta.
HAPI 2:
Pasi t’kenë kalu 15 minuta nxeje furrën n’200 C e pastaj merre tepsinë e furrës dhe shto perimet e prera bashk me erëzat e vajin n’tepsi. Përziji ato mirë n’mënyrë që me marrë erëza e shije njitrajtshëm t’gjitha perimet.
HAPI 3:
Shto kofshët e merinuara t’pulës bashk me hudhrat e prera n’tepsi. Vendose tepsinë n’furrë e pjeki kofshët dhe perimet për 15 minuta.
HAPI 4:
Largo tepsinë prej furrës, përziji perimet dhe rrotulloji kofshët e vendose tepsinë n’furrë edhe për 15 minuta t’tjera. Largo pas 15 minutave dhe servo.
REZULTATI:
N’pjatat e dëshirume shto kofshët dhe perimet, shto sipër djathin e troshitur feta, bashkangjiti pak rriska limoni secilës pjatë dhe shto magdanoz sipër. E nëse je duke mendu se me çfarë sallate mundesh me e shoqnu këtë super-pjatë, ne ta rekomandojmë sallatën mediterane me lakër, ose krem-sallatën me kastraveca.
Ti poashtu, mundesh me e përgatitë këtë sasi e me e ba gati për ditë t’tjera që me e pasë gati qoftë për drekë a darkë, por edhe për kuti pauze. Madje, mundesh me e u inspirtu edhe prej recetës klasike t’pulës me marinadë greke, kutisë t’pauzës me perime dhe sallatë pule, apo edhe shujtës me gjoks pule, patate t’ambël dhe mini-lakra. Shijo! /katror.info/
Përgatiti:
