Avokadoja asht nji prej frutave (por që shfrytëzohet si perime) që njihet për përfitimet shëndetësore dhe vlerat ushqyese, meqë asht frut që ofron yndyrna t’ngopshme e t’shnetshme për organizmin tonë. Pra, jo kot shumica e njerëzve t’shnetshëm pjesë t’dietës t’tyre e kanë edhe konsumimin e avokados n’forma t’ndryshme. Kremoziteti dhe shija unike e avokados janë 2 cilësi që e komplementojnë secilën pjatë a shujtë, dhe padiskutimisht avokadoja kombinohet mirë e lehtë me shumë ushqime t’tjera.
Jo çdoherë kemi kohë e mundësi me e hangër avokadon e cila asht pjekë n’kohë dhe kësisoji rrezikojmë me na u prishë e me përfundu n’bërllog. E n’kohë si kjo e sotshmja ku ushqimi kushton shumë shtrejtë, veçanarisht frutat dhe perimet tropikale, asht mirë me gjetë alternativa efektive t’konservimit dhe t’ruajtjes t’ushqimeve e mos me lanë kurgja me shku dam. Andaj, metoda e ngrirjes t’frutave e perimeve asht nji prej zgjidhjeve efikase e cila poashtu mundet me u praktiku n’ruajtjen e avokados. ne t’i kemi përmbledhë 3 mënyra.
METODA 1:
Thjeshtë merri avokadot e vendosi n’qese silikoni ose frizi dhe futi n’friz. Kurdo që don me i përdo nxjerri, leji me u shkri pak dhe përdori.
Mundesh me e lexu edhe…
METODA 2:
Preje avokadon n’format që don, spërkati e lang limoni ose me vaj ullini dhe vendosi n’qese silikoni ose frizi dhe futi n’friz. Kurdo që don me i përdo nxjerri, leji me u shkri pak dhe përdori. Kjo metodë asht e përshtatshme nëse përgatitë ndonji smoothie me avokado, sikurse asht smoothie me avokado dhe banane.
METODA 3:
Shtype avokadon me piru, spërkati e lang limoni ose me vaj ullini dhe vendosi n’qese silikoni ose frizi dhe futi n’friz. Kurdo që don me i përdo nxjerri, leji me u shkri pak dhe përdori. Kjo metodë asht e përshtatshme nëse përgatitë ndonji tost me avokado dhe tomatina, ose tost me avokado dhe dredhëza.
METODA 4:
Merr avokadon e ndaje n’gjysmë, largoje farën, lyji gjysmat e avokados me lang limoni e mbështjelli me folie plastike. Sigurohu me ua nxanë ajrin e pastaj vendosi n’qese silikoni ose frizi dhe futi n’friz. Kurdo që don me i përdo nxjerri, leji me u shkri pak dhe përdori për salsa me avokado dhe karakaleca.
Shfrytëzoji këto metoda për me e minimizu hudhjen poshtë t’avokados dhe kurse kohë përgjatë përgatitjes t’sallatave, smoothie-ve, mëngjeseve e tostave t’ndryshëm – duke e pasë kështu hazër avokadon n’cilëndo prej formave.
E meqë jemi tek recetat me avokado e ato meksikane, mëso cili është qyteti meksikan që prodhon salcën masive me avokado dhe pse. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
