Shumë prej nesh kemi merak me përgatitë ushqime me domate apo sos domatesh, duke fillu kështu prej pastave, gjellërave e çorbave t’ndryshme, gatesa me oriz e shumëçka tjetër. Megjithatë, jo çdokujt i pëlqejnë lëvoret e ziera apo t’pjekuna t’domateve. Madje, ka edhe receta ku domateve preferohet me ua largu lëvoren. Ama, ky hap për shumëkand prej nesh asht bajagi i mundimshëm e sfidues, por jo ma!
Mëso qysh me i qëru lëvoret e domateve n’3 hapa t’thjeshtë e lehtësoja vehtës përgatitjen e pastave dhe ushqimeve t’tjera dukshëm, pa pasë nevojë as me e mundu vehtën fort, por as mos me harxhu shumë kohë e mund përgjatë procesit.
HAPI 1:
Fillimisht n’nji tenxhere shto ujë dhe leje me vlu për 5 minuta. Merr fomatet dhe n’pjesën ee poshtme me thikë preje lëkurën n’formë X-i – kalo me thikë lehtësisht nëpër lëkurë.
HAPI 2:
Pasi t’ketë vlu uji mirë, shto domatet n’ujë e leji me u zi për 20 sekonda, pastaj largoji prej tenxheres.
Mundesh me e lexu edhe…
HAPI 3:
Merr nji enë t’thellë e shto ujë t’ftohtë bashk me copëza akulli. Vendosi domatet brenda dhe leji me u ftohë për 3-4 minuta.
HAPI 4:
Largoji domatet prej enës me ujë dhe akull dhe ngadalë largo me dorë lëvoret e shprishuna.
REZULTATI:
Shfrytëzoji domatet n’recetat e tua t’preferume pa vesin e lëkurës. Ti poashtu mundesh me këto domate me përgatitë pilafin me domate, apo edhe supën e thjerrëzave me domate – ku n’vend t’domateve t’konservume mundesh me i përdorë domatet e freskëta pa lëvore.
E edhe kur përgatitë pasta sikurse pastat kremoze me domate dhe spinaq, apo edhe Penne Arrabiata-t , apo ndonjanën prej 7 recetave me domate – mundesh me e përdorë po t’njejëtën teknikë.
E mbasi veç jemi tek domatja, mëso se pse domatja asht simbol i gastronomisë italiane, dhe cilat janë 5 faktet me interesante t’kuzhinës italiane. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
