Shumica prej nesh kanë provu receta t’ndryshme me tërrshanë për mëngjes; receta sikurse qulli i nxehtë i tërshanës me mollë, apo qulli i ftohtë i tërshanës me çokollatë. Madje, edhe ambëlsina sikurse keksat me tërshanë, thana dhe çokollatë t’bardhë nuk janë t’panjohura n’mesin tonë. Mirëpo, rrallë kush e din se mundesh me përgatitë edhe pjata t’njelmëta me tërshanë.
Ti mundesh me e fillu mëngjesin fuqishëm me qullin prej tërshane dhe perimeve, apo ndryshe t’njohun edhe si qullin e nxehtë t’tërshanës t’njelmët. Mjafton me nda pak kohë n’mëngjes, me shfrytëzu pak perime që t’kanë mbetë n’frigorifer e me përgatitë nji pjatë sa ngopëse, aq edhe t’shijshme e ushqyese.
PËRBËRËSIT:
1 thelb hudhër (i grirë imët)
1/2 lugë gjelle xhenxhefil i freskët (i grirë imët)
4 kërpudha (t’prera n’rriska)
1 lugë gjalpë
1 gotë supë (ujë i vluar + kubëz supe)
1/2 gotë tërshanë
1 grusht spinaq
1 lugë çaji fara susami (Opsionale)
HAPI 1:
N’tigan t’nxehtë shto gjalpin. Vendos hudhrën, xhenxhefilin dhe kërpudhat e kavërdisi ato për 4-5 minuta.
Mundesh me e lexu edhe...
HAPI 2:
Shto supën e krijume prej kubëzave vegjetariane dhe lejoje me vlu mirë masa; dikur rreth 3-4 minuta.
HAPI 3:
Shto tërshanën dhe fillo me e përzi masën deri sa t’shterron langu i supës; diku rreth 5 minuta.
HAPI 4:
Krejt n’fund shto spinaqin, kavërdise masën për 2 minuta dhe servo.
REZULTATI:
Shijoje qullin me pak fara susami sipër po deshe. E mos harro që këtë recetë ti mundesh me përshtatë me çfarëdo perime që t’kanë qëllu afër. Po ashtu, ti mundesh këtë pjatë me e përgatitë edhe përgjatë drekave e darkave t’lodhshme a dembele.
E nëse je n’disponim me provu receta t’tjera për mëngjes, por që përgatiten me ve, mos e le pa e provu fritatta-n me spinaq dhe tomatina. Shijo! /katror.info/
Përgatiti:
