A ke fillu ndonjëherë një dietë që ta ka rekomandu dikush ose e ke pa në internet, e cila nuk ka pasë efekt? A e ke vështirë me u nda prej disa artikujve të caktuar ushqimor, edhe pse e din që mund të jenë të dëmshëm në një afat kohor më të gjatë?
Nëse përgjigja jote është po, atëherë të njoftojmë me ‘rregullin 80/20’ i cili mund të jetë mjaft efikas .për tu zbatuar në përditshmëri.
Ky rregull është një strategji që të lejon me fitu zakone të shëndetshme të të ushqyerit pa e kufizu veten nga asgjë.
Mundesh me e lexu edhe...
Po, mund të hash një hamburger dhe patate të skuqura. Ti gjithashtu mundesh me pi birrë dhe nuk ke pse e len jashtë bukën. Nuk është e nevojshme të harroni as ëmbëlsirat. Me rregullin 80/20, ti mund të ndiqni një dietë të shëndetshme pa i mohuar vetes asnjë lloj ushqimi.
Rregulli 80/20
Rregulli 80/20 bazohet në ligjin e Paretos. Është një rregull në botën e ekonomisë që thotë se 80 për qind e rezultateve arrihen me 20 për qind përpjekje. Ky koncept ekonomik tani është në fushën e ushqimit.
Propozimi është jashtëzakonisht interesant. Ju hani shëndetshëm 80 për qind të kohës dhe rezervoni 20 për qind të mbetur për ushqimet që ju pëlqejnë, por që nuk janë aq të shëndetshme.
Prandaj, mund të jeni të shëndetshëm dhe madje të humbni peshë (nëse dëshironi dhe keni nevojë) duke ngrënë ‘drejt’ shumicën e kohës dhe ‘gabim’ pjesën tjetër të saj.
Duke i marrë përqindjet në numra më specifikë, mund të themi se nëse hani katër vakte në ditë ,duhet të hani 23 vakte të shëndetshme në javë dhe 5 të pashëndetshme. 80 për qind ‘mirë’ dhe 20 për qind ‘të këqija’ janë elementë që ushqejnë njëri-tjetrin. Në fakt, ato nuk janë të kundërta, por plotësuese.
Rekomandime për zbatimin e rregullit 80/20
- Bëj një konsultë me një profesionist shëndetësor i specializuar në të ushqyerit.
- Përpiqu të përzgjedhësh, shumicën e kohës, ushqime me cilësi të lartë ushqyese që të ngopin.
- Mat numrin e porcioneve.
- Rezervo 20 përqindëshin ‘të pashëndetshëm’ për ngjarje sociale, fundjavë ose pushime të veçanta.
- Mos i anashkaloni vaktet tuja
Ngjashëm sikurse për rregullin 80/20, ti mund ta praktikosh edhe “Mindful Eating” – praktikën e të ushqyerit në mënyrë të ndërgjegjshme, e cila poashtu ta mundëson me kriju shprehi t’shnetshme t’t’ushqyerit pa pas’ nevojë me hjekë tanësisht dorë edhe prej ushqimeve që na i ka’ana krejtve po që nuk janë bash ma t’rekomandueshmet për konsum.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
