Shumë prej nesh që i kemi pa filmat e animum ma t’moçem, e dijmë sa me qejf e kemi kqyrë Popeye-n. Ishte kohë e satelitave me saç, kanaleve ma t’kufizume, por e mbushun me lezet e hiijeshi. E nuk ka qysh mos me na u kujtu çka e ka veçu dhe forcu marinarin Popeye; spinaqi.
Bahu Popeye i kohëve moderne e forcoje imunitetin tand me nji smoothie me pjeshkë e spinaq; smoothie ky që t’furnizon me potasium, magnezium, hekur e vitaminë A, por që edhe nuk ka fort kalori. E për me e përgatitë nuk lipset ndonji filozofi.
PËRBËRËSIT:
1 grusht spinaq
1 pjeshkë (pa lëvore)
1/2 gotë ujë
50 gr rrush t’bardhë
PËRGATITJA:
Shto t’gjithë përbërësit n’blender dhe bluji deri sa t’krijohet nji masë e njitrajtshme.
Mundesh me e lexu edhe…
REZULTATI:
Servo smoothie-n n’gotë ose vendose n’shishe t’xhamit e ruje n’frigorifer. Ky smoothie qëndron i freksët për 3 ditë. Thjeshtë çka duhesh me ba asht me e shkundë shishen mirë para përdorimit. Mundesh me marrë n’punë me vehte, me ua dhanë fëmijëve për n’shkollë, apo me e komsumu para ushtrimeve. Shijo!
E nëse je n’kërkim t’ideve t’tjera për smoothie – ne t’i kemi radhitë 5 smoothie-t ma t’mira për shnetë bashk me 3 smoothie me dredhëza që kujtdo i pëlqejnë. Secila asht ma e mirë se tjetra, edhe secilën prej tyre e ke gati brenda 2 minutave. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
