A e dini se ju mund të zvogëloni rrezikun për kancer, sëmundje të zemrës dhe vdekje të hershme duke bërë deri në 10,000 hapa në ditë?
Sipas një studimi të ri, çdo hap i bërë numërohet, por përfitimet shëndetësore arrijnë kulmin kur ne ecim 10,000 hapa në ditë.
Numërimi i hapave mund të jetë veçanërisht i rëndësishëm për njerëzit që bëjnë aktivitet fizik të pastrukturuar dhe të paplanifikuar, si puna në shtëpi, kopshtaria dhe shëtitjet me qen.
Mundesh me e lexu edhe...
Foto: Life Science
Ecja ndihmon edhe demencën
Profesori në Universitetin e Danimarkës Jugore në Odense, Danimarkë, Borja del Pozo Cruz dhe ekipi i tij kohët e fundit publikuan një studim, i cili përfshin 78,500 njerëz të moshës 40-79 vjeç nga Anglia, Skocia dhe Uellsi.
Rezultatet zbuluan që ecja me 10,000 hapa në ditë ul rrezikun për demencë me 50%. Sipas një studimi të mëparshëm, rreziku ulet 25% nëse ne bëjmë 3,800 hapa në ditë.
Megjithatë, nëse ecja ndodh me një ritëm të shpejtë prej 112 hapash në minutë, ajo maksimizon reduktimin e rrezikut deri ne 62%.
Studiuesit krahasuan të dhënat e tyre me ato mjekësore dhe ranë në përfundim që njerëzit që bënin më shumë hapa në minutë (afërsisht 80 hapa) treguan ulje më të madhe të rrezikut për kancer, sëmundje të zemrës dhe vdekje të hershme.
“Ne kemi vërejtur një ulje prej 62% për demencën: pothuajse 80% për sëmundjet e zemrës dhe afërsisht 20% për kancerin,” tha autori I studimit Pozo Cruz, shkruan CNN.
Dëshiron të kesh një jetë të gjatë e të lumtur pranë familjes dhe miqve tuaj? Vishni këpucët e ecjes dhe mos harroni të numëroni hapat që bëni./Katror.info
Përgatiti:
