Se konsumimi vezëve asht plot benefite për shëndetin, atë gja e kemi ditë kaherë. Kurse tash, sipas studimeve t’fundit, nji ve n’ditë mbronë organizmin nga sëmundjet e zemrës. E patjetër që sa i përket vlerave ushqyese, dihet se vezët janë burim tejet i mirë i proteinave.
N’daç për mëngjes, drekë, darkë a meze, vezët, e veçanarisht ato t’zierat vazhdojnë me qenë nji prej ushqimeve ma t’përdoruna e ma t’preferume t’shumicës prej nesh. Lehtë me u zi e hangër, ato s’kanë qysh me mungu n’pjatat tona. Megjithatë, jo t’gjithë ja qëllojmë me i zi vezët nj’ashtu qysh ne kemi qejf me i hangër. Andaj t’i kemi radhitë disa këshilla n’lidhje me zierjen e tyre.
1. Vezët nuk duhet me i mbajtë n’frigorifer.
Gabimin ma t’madh që e bajnë shumica prej nesh asht që vezët i mbajmë n’frigorifer, me mendimin që ato ruhen ma mirë ashtu. Megjithatë, kjo praktikë nuk asht e mirë. Vezët duhet t’ruhen n’ambient dhome dhe kësisoji ato japin rezultat ma t’mirë si n’shije kur zihen, apo edhe n’gatesa t’tjera.
Mundesh me e lexu edhe…
2. Vezët duhet me nisë me u zi me ujë t’ftohtë.
Ka shumë prej nesh që mendojnë se po i shtove tenxheres ujë t’vluar e pastaj i shton vezët, koha e zierjes shkurtohet. Epo, kjo nuk asht e vërtetë dhe ka pasoja n’damtimin e vezëve gjatë procesit t’zierjes. Andaj, vezët duhet t’fillojnë me u zi gradualisht, nj’ashtu si fillon me u nxe uji i ftohtë. Pra, shto ujë t’ftohtë n’tenxhere, shto pak kripë dhe vezët e pastaj leji ato me u zi.
Tash e tutje, vezët e din se qysh duhet me i zi, e nëse ke qejf me provu nji recetë t’re me vezë, mos e la pa i provu vezët me fill avokadoje – vezë këto ideale qoftë për ndejat e ahengjet e ndryshme, qoftë për meze apo mes-shujta t’shnetshme.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
