Pastat janë nji prej ushqimeve ma t’preferume t’shumicës t’njerëzve dhe kanë arritë me u përhapë anë e mbanë botës falë mundësive t’shumta me i kombinu ato me lloj lloj përbërës dhe me i përshtatë ato sipas dëshirës. e edhe ne si katroristë i kemi fort n’qejf, andaj edhe shpesh ndajmë receta t’pastave, sikurse janë receta e pastave me sos jogruti, pasta-sallatës me spinaq, ajo e shpagetave vegjetariane, apo edhe receta e pastave me tomatina t’pjekuna.
Edhepse pastat njihen si ushqim i lehtë për përgatitje dhe shumica lehtësisht ia dalin me përgatitë diçka t’shijshme me to, apet se apet edhe ato e lypin njifarë marifeti. E që mos me t’dështu asnjiherë pastat, por edhe me u siguru që zihen e përgatiten n’mënyrë perfekte, ne t’i kemi renditë 4 gjana që shumica i bajnë mrapsht dhe t’i kemi dhanë 4 këshilla se çka me ba kur zien pasta.
1. MOS I SHTO UJIT T’PASTAVE VAJ
Po, e dijmë – shumica e nanave t’tona na kanë mësu që para se me i zi pastat me ja shtu ujit pak vaj, por ky hap asht plotësisht i gabum dhe ndikon n’shijen e cilësinë e pastave. Pastat duhet t’zihen veç n’ujë me kripë; kjo e mundëson glutenin e miellit me lëshu shije dhe me e trashë ujin e pastave, kësisoji ato bahen edhe ma t’shijshme. Edhe jo – nuk t’kapen pastat po nuk i shtove vaj – rri pa merak!
2. MOS I SHTO PASTAT N’UJË T’FTOHTË, POR AS N’UJË T’VAKËT
Koha kur vendosen pastat n’ujë asht po aq e randësishme sa asht edhe koha e zierjes t’tyne. Andaj, nëse najherë i ke vendosë ato n’ujë t’ftohtë apo t’vakët me mendimin që kur t’merr valë uji ato zihen ma mirë sepse zbuten paraprakisht – dije që e ke fort gabim. Mënyra e duhun për me i zi pastat asht me e mbushë tenxheren ujë, me e lanë me vlu mirë, me i shtu kripën e pastaj pastat – kështu, koha e zierjes t’tyne nuk nvaret prej nxehtësisë t’ujit.
Mundesh me e lexu edhe…
3. MOS E GJUJË KREJT UJIN E PASTAVE POSHT
Plot njerëz e bajnë këtë gabim që për meraklitë e kuzhinës nuk cilësohet si gabim, por MËKAT dhe me t’drejtë. Uji i pastave përmbanë nji lloj “nishesteje” prej miellit që pastat lëshojnë, e që e ban ujin e pastave nji substancë ideale me i trashë sosat t’cilët i përgatisim, por edhe ndihmon me u ngjitë salsa për paste. Andaj, herën tjetër kur e zien sosin, mos harro me ja shtu pak ujë pastash për ekstra shije.
4. MOS I SERVO PASTAT ME SOS SIPËR
Njerëzit ndahen n’2 grupe; ata që i përzijnë pastat me sos para se me i servu n’pjatë dhe ata që i servojnë pastat e kullume me sos sipër. Mos u ba prej atyne që i përkasin grupit t’dytë. MOS! Por qe edhe arsyen pse: pasat e ziera dhe t’kulluara thahen shumë shpejtë, forcohen dhe humbasin shijen, plus nuk e përthithin salcën mirë po që se qëndrojnë 2-3 minuta t’thata. Andaj, pastat e kullume vendosi menjiherë n’tiganin ose tenxheren me sos, përziji mirë e servo.
Prej tash e tutje e ke mundëinë me i zi e përgatitë pastat tamam qysh duhet, n’rast se nuk e ke ba nji gja t’tillë. Biles, përpos truqeve mundesh me ja bashkangjitë trunit edhe disa fake interesante për pastat – me e ushqy edhe trunin e gurmanit me naj informacion t’lezetshëm.
Meqë kurreshtja për me ditë ma shumë për ushqim, specifikisht pasta t’ka pru deri k’tu, ti mundesh poashtu me u informua se cilat janë 6 faktet ma interesante për ushqimin si dhe me i mësu 16 thanje t’urta shqiptare ku përmendet ushqimi. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
