Pastat janë nji prej ushqimeve ma t’preferume t’shumicës t’njerëzve dhe kanë arritë me u përhapë anë e mbanë botës falë mundësive t’shumta me i kombinu ato me lloj lloj përbërës dhe me i përshtatë ato sipas dëshirës. e edhe ne si katroristë i kemi fort n’qejf, andaj edhe shpesh ndajmë receta t’pastave, sikurse janë receta e pastave me sos jogruti, pasta-sallatës me spinaq, ajo e shpagetave vegjetariane, apo edhe receta e pastave me tomatina t’pjekuna.
Fakte t’ndryshme ekzistojnë mbi prejardhjen e pastave, përgatitjen dhe benefitet, si dhe për mënyrat e përgatitjes dhe llojet. Madje, ka edhe fakte të ndryshme specifike për lloje t’veçanta t’pastave, e ne jemi mundu me t’i përmbledhë 6 faktet ma interesante për pastat, t’cilat çdo merakli i pastave asht mirë me i ditë.
1. Pastat janë përgatitë për herë t’parë n’Kinë
Sigurisht, Italia njihet botërisht për traditën e përgatitjes t’pastave, mirëpo, faktet tregojnë se versionet e para t’pastave janë gjetur n’Kinë e jo n’Itali. Faktet e tilla që dëdshmojnë se disa njerëz kanë ngranë makarona ekzistojnë qysh 5000 vite para Krishtit.
2. Thomas Jefferson i solli pastat n’Amerikë
Midis t’gjitha arritjeve të tij të mëdha, Thomas Jefferson del se ishte personi i parë që i ka çu pastat n’Amerikë. Këtë e ka ba gjatë vitit 1789. Pra, jo veç president i SHBA-ve, por edhe njeri që e njoftoi nji kontinent t’tanë me nji super ushqim. Plus, pasta ma e njoftun dhe ma e konsumume nga amerikanët vazhdon me mbetë shpageta
3. Ka ma shumë forma t’pastave sesa që mundet me ta marrë mendja
Format ma t’njohuna t’pastave janë shpagetat, makaronat si penne dhe farfalle si dhe tortelinit. Megjithatë, sipas Organizatës Ndërkombëtare t’Pastave (po, ka edhe organizatë për pasta) ekzistojnë rreth 600 forma t’ndryshme t’pastave. Biles, vlerësohet se ka 4 fish ma shumë emërtime t’formave t’pastave, sesa që ka pasta.
4. Pastat e përgatituna “Al dente” jo vetëm që shijojnë ma mirë, por edhe t’mbajnë ma t’ngopun për kohë ma t’tgjatë
Kjo ndodhë sepse pastat “Al dente” lypin ma tepër kohë me u tretë. Pra, treten shumë ma ngadalë dhe rrjedhimisht untohemi ma ngadale sesa kur hajmë pasta t’ziera shumë.
5. Shumica e makaronave të thata bëhen vetëm me dy përbërës
Miell dhe ujë – kaq! Makaronat e freskëta, petë me vezë dhe disa lloje makaronash të thata bëhen me vezë, por gjërat e thara standarde nuk janë gjë tjetër veçse një pastë mielli dhe uji. Kjo është arsyeja pse fjala makarona vjen nga fjala italiane për “pastë”. Miell + ujë = paste = makarona.
6. Italia prodhon midis 1,700,000 dhe 3,300,000 TON makarona në vit
Italianët pos prodhuesit ma t’mëdhenj, janë edhe konsumuesit ma t’shpeshtë t’pastave. Madje, sipas 5 fakteve për kuzhinën italiane, del se italiani mesatar i han diku rreth 26 kg pasta n’vit. Ata ndodhë që konsumojë pasta thuajse çdo ditë dhe porcioni mesatar asht dikund rreth 100 gr për person. Marka ma e njohur e pastave t’thata n’Itali asht Barilla.
Meqë kurreshtja për me ditë ma shumë për ushqim, specifikisht pasta t’ka pru deri k’tu, ti mundesh poashtu me u informua se cilat janë 6 faktet ma interesante për ushqimin si dhe me i mësu 16 thanje t’urta shqiptare ku përmendet ushqimi. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
