Qysh e kemi thanë edhe ma herët, Green asht ngjyra e smoothie-t. E ne kur themi diçka, nuk ta themi veç sa për sy e faqe, por, kemi arsye; janë t’shnetshme e t’shijshme.
Kur mendohen smoothie-t e gjelbra, mendohen do smoothie pa shije e bajate; do smoothie që as nji gëllankë nuk mundesh me e çu teposhtë. Mirëpo, ne jemi këtu me ta dëshmu t’kundërtën edhe me t’bindë që edhe smoothie-t e gjelbra kanë shije – biles alamet shije. E këtë ma s’miri e dëshmojnë 5 prej tyre.
1. DETOKS SMOOTHIE
Detox smoothie, ose me e emërtu shqip ma mirë si langu detoksifikues, asht ideal për kando që synon me mirëmbajtë shnetën, por, ndihmon që edhe me pasë nji fytyrë ma t’pastër. Edhe s’ke nevojë me u tutë që nuk shijon. Ne jemi siguru që pos t’shëndetshëm, me ta ba smoothie-n edhe t’shijshëm për me u pi. Andaj, përvjeli mangët e ndiqi hapat n’vijim!
Mundesh me e lexu edhe…
2. LANGU/SMOOTHIE I MOLLËS T’GJELBËR
Langu (smoothie) i mollës t’gjelbërt asht krejt çka t’duhet kur t’pihet diçka e mirë e e shijshme, pa pasë nevojë me ba kompromis me alternativat artificiale t’dyqaneve. Pos që super-lang, asht edhe super i lehtë me u përgatitë e nuk t’merr kohë ma shumë se 2 minuta.
3. SMOOTHIE ME BROKOLLI
Smoothie me brokolli asht nji prej varianteve ma t’mira me konsumu perime t’gjelbra pa pasë nevojë me i hangër ato copë copë, por edhe pa i hetu shumë n’shije, pikërisht sepse mundesh me i përzi me fruta e me ua zbutë shijen komplet. Gati sa hap e mbyll sytë, ky smoothie asht edhe fort i mirë për shnetë.
4. SMOOTHIE ME SPINAQ
Smoothie me spinaq asht nji prej smoothieve që mundesh me e llogaritë sa t’shijshëm e t’ushqyeshëm, aq edhe i lehtë me u përgatitë. Plus, ky smoothie asht vegan; nuk përmbanë produkte shtazore hiç e asht i përshtatshëm edhe për ata t’cilët kanë intolerancë ndaj laktozës (sheqer i qumështit). Tap-rrap, smoothie-n e përgatitë n’dakik, me shumë pak përbërës.
5. “GREEN” SMOOTHIE (RACIONET)
Këtë recetë madje ta kemi përshtatë për racione t’green smoothie-ve për tan javën. Ky smoothie asht gërshetim i t’gjitha smoothie-ve që t’i rekomandum. Definitivisht prej ma t’mirëve t’cilët mundesh me i përgatitë.
Variacione t’shijshme, t’lehta, t’shpejta e super t’shëndetshme ke sa t’dush’, veç a je që i përgatitë!
Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
