Mundesh me qenë super-kuzhinier/e, besa edhe gurman/e e me provu gjithëçka, veç me ushqim tradicional t’tonin nuk ka. Recetat unike t’gjysheve e pjata e stër-mbushuna prej gjysheve, nuk kanë qysh me u kuptu ndryshe, përpos si gjuhë univerzale e dashnisë t’tyre. E për gjyshet kosovare, kjo vlenë edhe ma tepër sidoms nëse i kujtojmë pitet, leçenikat e bukët e tyre.
Për ty që ke qejf me gatu ushqime tradicionale, por preferon edhe me i marrë me vehte për pauzë, apo me ua ba gati fëmijëve ushqimin për shkollë – ne e kemi gjetë zgjidhjen perfekte që krelanën klasike t’kallamojt’ e kthen n’ushqim praktik dhe e ban ma interesant me u hangër, meqë ka formën e muffins-it.
PËRBËRËSIT:
3 ve
4 lugë miell
1 gotë gjalpë e shkrirë
600-700 gr miell misri
500-600 ml kos
1 pluhur për pjekje / pecivë
1 lugë të mesme kripë
HAPI 1:
N’enë t’thellë shto vezët, gjalpin e kosin e përziji mirë me tundëse teli.
Mundesh me e lexu edhe…
HAPI 2:
Shto miellin e bardhë bashk me miellin e misrit, kripën e pecivën. Përzije masën mirë.
HAPI 3:
Nxeje furrën në 200 gradë para se me fillu me përgatitjen e masës. N’secilën gropë t’tepsisë (tepsi për 12 muffins) shto kallëpat e letrës.
HAPI 4:
Fillo me i mbushë kallëpët me dy t’tretat e masës. Pjeki muffins-at e kallamojt’ për 20-25 minuta (nëse e sheh që temperatura asht shumë e naltë, ule temperaturën n’180 gradë), mandej largoje tepsinë prej furrës e leji muffins-at e kallamojt’ me u ftohë n’temperaturë dhome. Mbas 15 minutave servoji.
REZULTATI:
Servo muffins-at me pak gjalpë e sirup panje për shije pak ma interesante e ma “amerikane”, apo servoje qysh ja kemi ba hon e don me recetat tradicionale; me nji gotë kos, ndonji copë djathia kastraveca turrshi e speca t’fërgum. Besa tash mundesh me i shoqnu muffinsat e kallamojt’ edhe me tomatinat e mbushuna me djathë, t’cilat i ke gati n’2 hapa t’thjeshtë e t’shpejtë.
Mbasi veç jemi te gjanat tradicionale, mos e le pa e provu edhe leçenikun me purri, e pa i lexu edhe 16 thanje interesante shqiptare për ushimin. Shijo! /katror.info
Përgatiti:
