Nëse je prej atyre që ka qejf nga nji herë me e çu nji gotë verë me shoqni, apo edhe me pi gjatë nji tryeze t’shtrume mirë me familjarë apo ma t’dashtunit e tu, atëherë sigurisht që edhe ky artikull ka me t’shërby me kuptu ma shumë rreth merakut tand për verërat.
Nuk ke nevojë me qenë ekspert i gjithçkaje, por mirë asht me ditë prej t’tanave ngapak. E e njejëta rregull vlenë edhe për ty që ke qejf me pi. Andaj, ne t’i kemi renditë 5 fakte interesante e bazike mbi verërat, t’cilat asht mirë me i ditë.
1. Ekzistojnë tre lloje kryesore t’verës: e kuqe, e bardhë dhe roze.
2. Ngjyra e verës përcaktohet nga kontakti që ka langu i rrushit me lëkurat e rrushit.
Vera e kuqe bahet vetëm nga rrushi me lëvore t’kaltër ose vjollcë, kurse vera e bardhë mundet me u ba edhe prej rrushit t’zi, por vetëm nëse langu i rrushit ndahet prej lëvoreve.
3. Verërat e bardha herë pas here kanë sedimente t’padamshme që duken si kokrra sheqeri.
Këto kokrra ndryshe njihen si ‘kristale tartrate’ dhe formohen kur vera ruhet n’t’ftohtë.
Mundesh me e lexu edhe…
4. Rozeja, e cila e gjen veten diku mes verës t’kuqe dhe asaj t’bardhë, ma s’shpeshti krijohet duke e leju dhe duke e kufizu kontaktin e langut t’rrushit me lëvoret e rrushit t’errët.
Sa ma shumë që t’i lejohet langut t’rrushit kontakti me lëvoret e errëta t’rrushit aq ma e mbyllun ka me qenë ngjyra rozë dhe anasjelltas.
5. Jo rastësisht gotat e verës kanë bisht / shtikëll.
Për mos me e nxe gotën me temperaturën e duarve, por edhe për mos me ndiku n’cilësinë e shijes, gotat e verës kanë bisht. Pra, nuk asht veç çështje estetike, por asht edhe praktike.
E herën tjetër kur je t’u pi e kur t’bahet llaf për verëra, mundesh këto informata me i nda me t’tjerët e ndoshta mësojnë edhe ata diçka prej teje, por, mbase edhe dijnë ma shumë e t’edukojnë edhe ma mirë mbi to.
Qysh edhe t’thamë ma herët, këto informata janë këtu me t’informu për me e njoftë merakun tand ma mirë e rrjedhimisht edhe vehtën. E nëse ke qejf e je merak edhe n’birrë, ne ta rekomandojmë me kuptu ma shumë rreth 7 fakteve ma interesante për meraklitë e birrave.
Merakli nuk lindë, merakli bahesh qishtu, t’u mësu pak e ngapak për secilin merak. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
