Me siguri me t’parë këtë artikull, mendimi i parë që t’ka ardhë n’mendje asht n’lidhje me kujdesin ndaj ushqimit, disciplinën apo format se qysh me mbajtë nji dietë. Megjithatë, nuk bahet fjalë aspak për këto gjana e as për me t’a forcu raportin toksik që mundesh me e pas’ me ushqimin.
Mindful eating, apo t’ushqyerit e ndërgjegjshëm, asht krejt e kundërta e asaj se çka mundesh me mendu kur e ndëgjon si term. Mindful eating, ka fillu e po cilësohet si nji prej praktikave ma t’shëndetshme për me i shëru raportet toksike t’tonat me ushqimin. E çka, qysh e tek, tregojnë pjesët n’vazhdim.
Çfarë asht t’ushqyerit e ndërgjegjshëm/kujdesshëm dhe pse asht i dobishëm?
T’hash me kujdes do t’thotë që po i përdorë t’gjitha shqisat fizike e emocionale për me i përjetu dhe shiju zgjedhjet ushqimore që ban. Kjo praktikë t’shtin me u përqendru te ushqimi që konsumon – t’u fillu prej përzgjedhjeve që i ban n’dyqan e deri tek mënyra se qysh han.
Mundesh me e lexu edhe…
“Mindful eating” shpesh përshkruhet si nji ndjenjë e t’qenunit plotësisht i/e pranishëm/me (aty) kur han. Pra, kjo praktikë t’ban ma mirënjohës për ushqimin, gja që mundet me ta përmirësu përvojën e përgjithshme t’ngranunit, por edhe raportin t’cilin e ki me ushqimin n’përgjithësi. Ushqimi nuk asht këtu për me na shti me u ndi n’faj sa herë që ulemi me hangër diçka, as nuk asht aty për neve me na ngushëllu kur ndihemi keq ose jemi bajatavë; ushqimi asht aty për me na furnizu me energji, me na e mundësu lëvizjen, me na e mirëmbajtë shnetën, por edhe me na kënaqë.
Qysh hahet n’mënyrë t’ndërgjegjshme?
Ngrania e ushqimit sa ma shpejt që asht e mundur asht nji prej gabimeve ma t’shpesha që secili prej nesh i ban e që asht mirë me provu me u ushqy ngadalë. T’u hangër me tempo ma t’ngadalshme, t’u u koncentru n’përtypje, por edhe n’shije, ti veçse e praktikon mindful eating. T’shijumunit e çdo kafshate, por edhe vetëdija se ky ushqim (çkado qoftë) ka me t’ngi, ka me t’mbushë energji e poashtu ndjenja e falenderimit për mundësinë që e ke për me mujt’ me hangër, janë disa prej gjanave falë t’cilave kur ju kushton randësi dhe vëmendje (pra, kur ndërgjegjësohesh) ua sheh hajrin.
Qysh me hangër ndërgjegjshëm n’5 hapa t’thjeshtë?
1 – Kur untohesh, mendo a je nime untë, apo po lypë me hangër diçka prej zakonit.
2 – Zgjedh se çka po don me hangër. Mendo mirë çka po t’hahet, por edhe çka ke nevojë me hangër. Shqyrtoji opsionet që i ki para vehtës para se me t’ardhë koha me u ulë e me konsumu ushqimin.
3 – Përgatite ushqimin që po planifikon me hangër. Asht shumë lehtë me qenë dy fish ma falenderues për ushqimin që e ke para vehtës kur pjatën e përgatitë vet. Edhe ke mundësi me zgjedhë se çka preferon me konsumu, por edhe ke kontrollë mbi at’ që po ja servon vehtës.
4 – Mbasi t’e kesh ushqimin përpara, mos e ngarko ma vehtën me opsionet e tjera t’cilat i ke pas’. Tregohu i/e ndërgjegjshëm/me për përzgjedhjen që e ke ba paraprakisht edhe syno që mos me u ngutë gjatë konsumit. Provo me i kushtu vëmendje secilës kafshatë, fokusohu n’shije e krejt n’fund, kurdo që t’nihesh që je ushqy mirë, ndalo.
5 – Mbasi t’a kesh ngranë pjatën, analizo se a me t’vërtetë je ushqy mjaftushëm. Përcjelle, por edhe lejoje trupin me t’tregu se kur asht untë përnime, t’u u rikthy prap n’hapin e parë.
Po ashtu, mos harro me ja kujtu vehtës që për me kriju nji shprehi t’çfardoshme, përfshi edhe t’ushqyerit e ndërgjegjshëm, duhet kohë e përkushtim. E ti, kurdo që mundesh, provo me ndërgjegjësu vehtën e me tregu ma shumë kujdes n’raport me qysh e sheh ushqimin, por edhe qysh e trajton këtë raport, jo vetëm n’aspektin fizik, por edhe mendor.
Ti mundesh poashtu me provu me mësu ma shumë për rregullin 80:20 t’ushqyerit, i cili poashtu ta mundëson me kriju shprehi t’shnetshme t’t’ushqyerit pa pas’ nevojë me hjekë tanësisht dorë edhe prej ushqimeve që na i ka’ana krejtve po që nuk janë bash ma t’rekomandueshmet për konsum.
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
