Se vakti kryesor për nji ditë me energji asht mëngjesi nuk e vëjmë n’dyshim. Mirëpo, jo çdo herë mrrijmë me e nxanë mëngjesin herët e me e përgatitë nji vakt t’shijshëm e t’mirë,, veçanarisht vikendeve, kur pritojmë me u çu herët. Qata recetat sikurse fritatta mediterane apo fritatta me spinaq dhe tomatina kanë rezoltu super efektive, e na frymëzuan edhe për recetën e radhës.
Miksi i vezëve me perime asht pjata ideale me u përgatitë kur je t’u dashtë me hangër diçka t’shijshme e t’shnetshme, por nuk ke nerva me mbetë gjatë n’kuzhinë, sepse, nuk don shumë punë e as shumë harxh. Këtë e dëshmojnë edhe hapat n’vijim,
PËRBËRSIT:
1 grusht spinaq
2 ve
1/4 spec i gjelbër
1 grusht tomatina (t’prera n’gjysmë)
1/4 avokado (i prerë n’rriska)
3 lugë gjelle miks tune (3 lugë tuna e konservume me 1 lugë gjelle majonezë)
Kripë dhe biber (Opsionale)
Qepë pluhur (Opsionale)
HAPI 1:
Shto gjalpin n’tigan t’nxehtë dhe sipër hidh spinaqin dhe copëzat e specit. Kavërdisi ato për 3 minuta.
Mundesh me e lexu edhe...
HAPI 2:
Shto vezët sipër tiganit me spinaq dhe spec, shto kripë dhe qepë pluhun.
HAPI 3:
Fillo me lugë druri me i përzi vezët me perime, pra, me i kriju n’formë t’hallakatun për 4 minuta rresht. Largo tiganin prej shporetit.
HAPI 4:
Shto miksin e vezëve me perime n’pjatë, sipër vendosi rriskat e avokados, tomatinat dhe tunën e përzier me majonezë. Shto pak biber sipër dhe servo. Shijoje këtë mëngjes me 1 smoothie me karrotë dhe banane, apo me smoothie-n me dredhëza dhe ananas.
Ti poashtu mundesh me nisë mëngjesin me 1 prej 3 rekomandimeve t’tona për mëngjes t’mirë. Kurse për ditët kur don me përgatitë diçka qoftë për me hangër aty për aty, apo me e marrë me vehte për pauzë, mos e le pa e provu sanuiçin tonë italian me pesto dhe mocarellë, ose me sanduiçin me sallatë vezësh. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
