Nuk je t’u ditë çka me hangër për mëngjes, por e din që je ka don me hangër sa ma shnetshëm që asht e mundun, por as nuk po don me hjekë dorë prej shijeve t’mira? – Nuk ke nevojë, se ne t’i kemi ilustru 4 shembuj t’lehtë, t’shpejtë e t’shijshëm për me nisë ditën me plot vitamina e ambëlsi.
Pjatat me jogurt e fruta janë nji prej pjatave që vërtetë shijojnë, nuk kanë najfarë filozofie e besa shpesh ngjajnë n’desert. Poashtu, këto pjata janë lehtë me u përshtatë e me u ndryshu varësisht prej shijes, por edhe harxhit që e ke n’dispozicion. 4 idetë e maposhtme janë ideale, por patjetër që ti mundesh me shtu e hjekë çka ta don zemra.
1. Jogurt me reçel boronice dhe fruta
Merr 4 lugë gjelle jogurt grek, shto 1 lugë gjelle reçel dhe përzije mirë. Vendose n’pjatë bashk me frutat dhe shto 1 lugë t’mesme gjalpë kikiriku.
2. Jogurt grek me mjaltë dhe fruta
Merr 4 lugë gjelle jogurt grek, shto 1 lugë gjelle mjaltë dhe përzije masën mirë. Vendose n’pjatë bashk me frutat dhe shto 1 lugë gjelle gjalpë kikiriku. Shto pak copëza (thërrmija) çokollate po deshe.
Mundesh me e lexu edhe…
3. Jogurt grek me fruta dhe corn flakes
Merr 4 lugë gjelle jogurt grek. Vendose n’pjatë bashk me frutat dhe shto 2 lugë gjelle corn flakes ose granolla. Shto 1 lugë gjelle copëza (thërrmija) çokollate.
4. Jogurt grek me fruta dhe gjalpë kikiriku
Merr 4 lugë gjelle jogurt grek dhe vendose jogurtin n’pjatë bashk me frutat dhe shto 1 lugë gjelle gjalpë kikiriku. Shto 1 lugë çaji copëza (thërrmija) çokollate dhe 3 lugë gjelle shegë. Shijo!
Jemi t’bindun që ke me u kënaqë me këto pjata t’shijshme e t’shëndetshme mëngjesi. Poashtu, nëse veç i provon, ne ta rekomandojmë edhe Parfait-in me fruta mali – desertin e shëndetshëm t’cilin mundesh me marrë me vehte n’punë edhe nuk t’merr kohë ma shumë se 2 minuta. /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
