A je merakli/ke e pastave, por t’u kanë ba pakëz bajat recetat e rëndomta? Qe ku na ke neve për me t’furnizu me ide e receta t’shijshme. E n’qoftë se ende ju t’u e mendu emrin e drekës a darkës, leja emrin e recetës t’sotme.
Pastat kremoze me domate dhe spinaq t’cilat mundesh me i përgatitë t’u i ndjekë disa hapa tepër t’thjeshtë, janë sygjerimi jonë për ty që je n’kërkim t’recetave t’reja, qoftë për drekë apo darkë. Mjafton me i përcjellë udhëzimet tona, e me t’dalë ushqimi me plot shije.
PËRBËRËSIT (servimi për 2):
1/2 paketim pasta (Penne)
1 qepë (e grirë imët)
2 thelpinj hudhra (t’grira imët)
1 lugë gjelle vaj ulliri
150 gr domate t’konservume (t’prera n’copëza)
1/2 lugë gjelle oregano
1/2 lugë gjelle borzilok t’thatë
1/4 lugë çaji biber i kuq
1/3 lugë e mesme kripë
1/2 lugë e mesme biber i zi
2 lugë gjelle pastë domatesh (tomato paste)
50-60 gr krem-djathë
1/4 gotë parmezan (i grirë)
100 gr spinaq
HAPI 1:
Paralelisht me përgatitjen e sosit fillo me zierjen e makaronave për 10 minuta n’ujë me kripë. Kullo makaronat dhe ruje 1 gotë ujë pastash për sos.
Mundesh me e lexu edhe…
HAPI 2:
N’tigan t’thellë kavërdisi për 3 minuta qepën, hudhrën e pastaj shto erëzat dhe domatet e konservume. Kavërdise masën për 3 minuta.
HAPI 3:
Shto pastën e domateve dhe ujin e pastave dhe përzije masën mirë. Leje masën me u zi për 3-4 minuta.
HAPI 4:
Shto krem-djathin dhe përzije masën mirë deri sa t’shpërbahet krem-djathi plotësisht.
HAPI 5:
Shto parmezanin e grirë dhe përzije masën.
HAPI 6:
Shto spinaqin dhe përzije masën.
HAPI 7:
Shto pastat e kullume, përziji me sosin dhe servo.
REZULTATI:
Shijoje këtë pjatë me nji gotë verë e kënaqu krejt. Poashtu, nëse ke qejf me e pasë edhe nji sallatë para vehtes, definitivisht këtë pjatë me shije shoqëroje me sallatën virale persiane “Shirazi”.
E mbasi veç jemi tek pastat, këtu mundesh me i gjetë edhe 3 receta t’pastave t’cilat mundesh me i përgatitë për ndonji darkë a drekë plot me shije. Shijo! /katror.info/
Përgatiti:
