Nëse je prej atyre që kur servon drekë a darkë preferon pjatën kryesore me e hangër shnetshëm, por edhe me qenë ngopëse për ty atëherë ne e kemi nji recetë simpatike dhe plot shije n’mes t’pjatës kryesore, paragjellës dhe sallatës, e që po e provove jemi t’bindun që ke me e përgatitë ma shpesh.
Ideale për drekë a darkë, pjata mediterane e humusit me mish t’blum’ asht pjata që i shkon secilës tryezë dhe që asht super e shijshme dhe e lehtë. Shija e humusit me perime dhe mish t’bluar kombinohen aq mirë sa pjatën lehtësisht e fshinë sa hap e mbyll sytë. Mjafton me i ndjekë 3 hapa t’thjeshtë.
PËRBËRËSIT:
200 gr mish i bluar
2 lugë gjelle vaj ullini
5 lugë gjelle humus
150 gr tomatina
1/2 kastravec anglez ( e prerë n’copa mesatare)
1/4 qepë e kuqe (e prerë n\fije t’holla)
1 gotë ullinj kallamata
80 gr djathë feta (e grimcuar)
1 grusht magdanoz ( i prerë)
HAPI 1:
N’tigan t’nxehtë shto vajin e ullinit dhe mishin e bluar. Kavërdise mishin deri sa t’shterron uji dhe t’jetë pjekë mishi mirë. Pra, dikund rreth 12 minuta.
HAPI 2:
Preji perimet dhe magdanozin mirë, troshite djathin.
HAPI 3:
Shtreje humusin n’pjatë. Shto perimet, mishin e bluar dhe djathin feta me magdanoz sipër e servo me petë t’nxehta, bukë a pitalka shtëpije dhe mos ja fal dakikun kësaj super-pjate.
Meqë jemi tek pjatat “ndryshe” dhe ato mediterane, mos e le pa e provu edhe sallatën mediterane me lakër, kuskusin metideran me karkaleca deti, apo fritatta-n mediterane. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
