Hallvja, njilloj sikurse edhe hurmat për shekuj me radhë vazhdon me mbetë nji prej ushqimeve simbolike t’festave muslimane. Kështu, për netë t’mëdhaja, ramazan e bajram shumë familje t’tona e përgatisin këtë ambëlsinë modeste, por që definitivisht i jep lezet e hijeshi secilës shtëpi pavarësisht faktit se a janë apo jo besimtar – meqë gatimi i hallvës tashma asht nji traditë e përgjithshme n’shoqninë tonë.
Gjersa shumica e dijnë recetën klasike t’hallves (miell, vaj e sheqer), jo t’gjithë e dijnë se hallvja n’kultura t’ndryshme ka dallimet e vehta, anipse thelbi i saj mbetet i njejtë. Kështu, receta e hallves greke me bullgur dhe fruta arrore asht nji prej recetave t’hallvës t’cilat padiskutimisht ja vlenë me u përgatitë, servu e kërku e që jemi t’bindun nuk ka me t’zhgënjy as ty që e gatunë, por as ata që e provojnë – mjafton me i ndjekë udhëzimet e maposhtme.
PËRBËRËSIT:
1/2 gotë vaj ullini
1/2 gotë vaj misri
2 gota bullgur i imët (kuskus)
1/2 lugë karafil pluhun
1 lugë kanellë pluhun
1/4 gotë rrush i thatë
1/2 gotë badema (t’copëtume)
1/2 gotë arra indiane (t’copëtume)
3 gota sheqer
4 gota ujë
1 shkop kanelle
Lëkura e 1 limoni
SQARIM:
Para se t’fillosh me përgatitjen e hallvës, sigurohu me e përgatitë shërbetin. Kështu, 4 gota ujë i ban bashk me 3 gota sheqer dhe i përzien n’tenxhere deri sa sheqeri t’shkrihet. Shto 1 shkop kanelle dhe lëkurën e grirë t’1 limoni e zije masën për 10-12 minuta, largo tenxheren prej shporetit e leje shërbetin anash me u ftohë. Mos harro me largu shkopin e kanellës prej shërbetit.
Mundesh me e lexu edhe…
HAPI 1:
N’tenxhere ose n’tigan t’thellë shto vajin dhe bullgurin e imët. Fillo përzije bullgurin vazhdimisht dhe lejoje me u rreshkë e me fillu me marrë ngjyrë t’kafët, duke e përzi vazhdimisht, për dikund rreth 4-6 minuta.
HAPI 2:
Gradualisht shtoja masës me bullgur shërbetin dhe vazhdimisht përzije masën me lugë t’drunit, deri sa masa t’merr konsistencë t’qullët / pak a shumë si masë brumi. Kjo procedurë zgjatë përafërsisht 4-5 minuta maksimumi. Largo tenxheren / tiganin prej shporetit.
HAPI 3:
Masës me hallve shtoja frutat arrore t’grira dhe rrushin e thatë. Përzije sasinë mirë.
HAPI 4:
Merr nji kallëp tepsie për kek dhe vendose hallvën brenda duke e sheshu mirë me lugë t’drunit n’t’gjitha anët n’mënyrë t’barabartë. Leje hallvën me u ftohë për 30 minuta, rrotullo tepsinë n’pjatë a tabak për servim dhe servo.
REZULTATI:
Servoje hallvën me copëza bademash sipër e preje njilloj sikurse kekun. Shoqnoje me nji filxhan çaj rusi a kafe turke. Mos harro se kjo ambëlsinë asht super e përshtatshme me u servu edhe për bajram, meqë asht e lehtë n’shije dhe definitivisht ja vlenë me u kërku. Gjithashtu, po nuk pate tepsi keku, ti mundesh lirisht hallvën greke me e servu edhe n’pjata t’vogla.
Biles, mundesh edhe fruta t’tjera t’thata me i shtu; kajsia t’thata, thana e kumbulla t’thata e pse jo edhe ananas t’thatë po deshe. Njiherazi, edhe frutat tjera arrore sikurse arrat, fëstëkat e kikirikat janë ma se t’preferueshëm si përbërës shtesë e opsional për ekstra shije.
Era e hallves padyshim që na kthen n’fëmijëri e na ofron nostalgji për vaktin kur festat nime kishin shumë ma shumë lezet, por kjo nuk do t’thotë që mos me ja ba edhe tash hyzmetin festave e mos me ja shtu shyhretin atyre me gatime t’thjeshta si kjo e sotshmja.
Ty që vendosë me e provu këtë hallve, t’baftë mirë e e qitsh veç për festa e gëzime! Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
