Kuzhina meksikane asht nji ndër kuzhinat ma t’famshme e ma t’preferume t’njerëzve t’kulturave t’ndryshme n’mbarë botën. Ajo njihet për delikatesat n’petë, me shumë djegësti, përbërës t’freskët e kombinime interesante, por edhe për variacionet e ndryshme t’cilat i ofron. E ne nuk ishim kanë katrorisë e specialistë t’shijes, sikur t’mos gjenim edhe kombinime ndryshe t’specialiteteve që tashma secili i njeh.
Quesedillas me pasul dhe spanaq janë nji gërshetim autentik i kesedijave meksikane me përbërës jo bash meksikan, por plot shije e që mundesh brenda 10 minutave me e pasë hazër.
PËRBËRËSIT (2 servime):
2 petë tortille
120 gr kashkavall (i grirë)
120 gr pasul i bardhë i konservum
100 gr spinaq (i prerë)
4 lugë gjelle jogurt grek
1 lugë e mesme biber i kuq
1/2 lugë çaji kripë
1/2 lugë çaji hudhër pluhun
Biber i zi (Opsionale)
Mundesh me e lexu edhe…
HAPI 1:
Sigurohu që i ke shpërla e kullu mirë pasulat e konservum. N’nji enë shto pasulat bashk me erëzat. Përziji mirë dhe lejo që secila kokër e pasulit me qenë e mbulume me erëza.
HAPI 2:
N’nji pjatë shto spinaqin e grirë bashk me kashkavall, pasulin e marinum dhe jogurtin grek. Përzije masën mirë.
HAPI 3:
Shto 3-4 lugë gjelle n’gjysmën e petës dhe paloje petën n’dysh. Njilloj vepro edhe me petën tjetër.
HAPI 4:
Vendose tortillën e mbushun n’tigan t’nxehtë (pa vaj). Pjeke për 3 minuta n’secilën anë. Njilloj vepro edhe me petën e dytë.
HAPI 5:
Preji n’gjysmë quesedilla-t dhe servoji.
REZULTATI:
Specialitetet meksikane vështirë se paramendohen t’servume pa ndonji salcë pikante. Andaj edhe këtë pjatë po ta sygjerojmë me e shoqnu me salsën meksikane – salcë kjo që e ban edhe ma t’parezistushme e t’shijshme këtë delikatesë. E ma e mira e krejt kësaj salce asht që mundesh me e përgatitë n’1 hap t’thjeshtë me pak përbërës t’freskët.
E n’ndërkohë që e shijon këtë kombinim Meksikan, mësoji se cilat janë 6 faktet ma interesante për kuzhinën meksikane që nuk i ke ditë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
