Kushdo që ka merak n’smoothie, por e javën dinamike prej t’hanës deri t’premtën e din sa e mundimtë asht me i nda nganjiherë qato 2-3 minuta kohë për me e përgatitë nji smoothie. E pikërisht prej dembelisë, ndodhë që e len krejt e nuk e përgatitë hiç.
Racionet për smoothie janë pshtim për kando që gjatë javës priton me u marrë me përgatitjen e smoothie-ve. Krejt çka t’duhet asht me i shfrytëzu 10 minuta n’viken, me i ba gati 6 porcione për tan javën, edhe mandej veç me i futë n’blender. Kësaj here e kemi nji kombinim t’ri e që asht nji super-“green” smoothie.
PËRBËRËSIT (6 RACIONE):
3 molla t’gjelbra (t’ndara n’gjysmë – 1/2 për racion)
3 banane (t’ndara n’gjysmë – 1/2 për racion)
3 kivi (t’ndara n’gjysmë – 1/2 për racion)
3 dardha (t’ndara n’gjysmë – 1/2 për racion)
30 gr gjethe mente (5 gr për racion)
180 gr spinaq (30 gr për racion)
300 gr rrush t’gjelbër (50 gr për racion)
Mundesh me e lexu edhe...
HAPI 1:
Laji frutat e ndajë n’6 vende. Pra, ke nga gjysmë fruti për secilën qese, 50 gr rrush, 5 gr mente dhe 30 gr për secilin racion. Preji bananet, kivit, mollat dhe dardhat n’copa dhe n’qese për friz shto 50 gr rrush n’çdo qese, shto spinaqin dhe mentën n’secilën qese. Mbylli qeset mirë dhe vendos n’friz. Kur t’jesh gati për smoothie, nxjerri e shtoji n’blender. Shto nga 1/4 gotë ujë me secilën qese dhe bluji frutat mirë.
REZULTATI:
Kësisoji ke kursy kohë edhe nuk ke nevojë me mendu gjatë se çka me përgatitë t’paktën për nji shujtë / mes-shujtë t’mirë n’ditë.
Poashtu, nëse veç ke dëshirë me e përgatitë edhe ndonji variant tjetër e me e futë n’friz, mos e le pa i provu edhe racionet për smoothie me fruta mali e gjalpë kikiriku. Ti poashtu mundesh me u inspiru edhe nga smoothie me pjeshkë e dredhëza edhe me kriju racione për ditët n”vijim, vetëmse jogurtin e vendosë n’vend t’ujit gjatë përgatitjes.
Variacione sa t’dush’, veç a je që i përgatitë!
Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
