Po vazhdojmë me ide t’reja për ushqimet e pjatat t’cilat mundesh me i marrë me vete n’punë, me ua përgatit fëmijëve për shkollë e pse jo naj herë me e gëzu edhe kolegun/en tande me një të tillë.
Sanduiçi i pulës n’petë, asht sanduiçi ideal me e përgatitë nëse t’ka tepru gjoks pule prej drekës a darkës t’mahershme. Po ashtu, përveçse i lehtë me u përgatit, asht edhe i mbushun plot me proteina prej mishit t’bardhë, ka pak karbohidrate prej petës, por t’mbanë t’ngitë për koxha do kohë. Që nuk ka naj filozofi n’përgatitjen e tij, e dëshmojnë hapat n’vazhdim.
HAPI 1:
Merr 1 gjoks pule t’pjekun me erëzat e tua t’preferume e copëtoje sipas dëshirës. Merr pak djathë kaçkavalli t’grirë (50 gr janë mjaftueshëm), merr pak gjethe t’freskëta magdanozi e coptoji mirë. Nëse nuk t’ka qellu magdanoz i freskët afër, shto sallatë t’gjelbër ose gjethe rukolle – varësisht se çka t’shijon ma tepër.
HAPI 2:
Prej pjatës n’petë: Merr nji petë tortille (mundesh edhe integrale nëse e parapëlqen ma tepër). Sipër shto përbërësit. Shto edhe pak sos kosi me hudhër ose pak majonezë.
Mundesh me e lexu edhe…
HAPI 3:
Mbështjelle petën mirë e vendose n’tigan t’nxehtë për 3 minuta n’dy anët. Leje petën me u rreshkë pak e mandej servo.
HAPI 4:
Ndaje sanduiçin n’gjysmë dhe mbështjelle me folie alumini. Paketoje për me marrë me vete e shijoje kurdo që untohesh. E n’rast se e ke përgatitë për dikand tjetër, rri pa ves – se kanë me e hangër komplet – për këtë bindesh veç kur e provon vet. Biles, mundesh me e shoqnu me nji lang t’freskët t’mollës t’gjelbër t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vete njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa e provu sanduiçin me sallatë vezësh, ose sanduiçin me pesto dhe mocarellë. Shijo! /katror.info/
Përgatiti:
