Ti mundesh me nisë ditën me nji super smoothie sa herë që ke mundësi me i përgatitë ato, e me u furnizu me vlera t’mjaftueshme ushqyese për nji ditë t’shnetshme e t’suksesshme. Edhe nuk dojnë smoothie-t ndonji filozofi, por nganiherë idetë për kombinime po shterren. Kështu, forja po asht veç te receta, se mandej po ja bajmë disi.
Kësaj radhe kemi vendosë me ta propozu smoothie-n me kumbulla e tërrshanë – smoothie ky që ka me t’mbajtë ma t’ngopun, pikërisht se ka edhe tërrshanë n’to. Lehtë, shpejtë e pa ndonji filozofi, ky smoothie asht këtu për me t’ngi.
PËRBËRËSIT:
3 kumbulla (largo farën/thelbin)
1/3 gotë boronica
2 lugë gjelle tërshanë
1 lugë gjelle mjaltë
Kanellë (Opsionale)
1/3 gotë qumësht
2/3 gotë ujë
1/4 lugç çaji xhenxhefil i grirë
Mundesh me e lexu edhe...
PËRGATITJA:
Futi t’gjithë përbërësit n’blender e bluji mirë deri sa t’kesh nji sasi t’njitrajtshme e deri sa t;asht shpërba tanësisht tërrshana. Servo n’gotë e pije menjiherë, ose fute smoothie-n n’shishe t’xhamit e shfrytëzoje brenda 2 ditëve.
REZULTATI:
Nëse don, ti poashtu mundesh me i shtu smoothie-t edhe pak mentë t’freskët për freski, por ky hap nuk asht i domosdoshëm. E nëse veç nuk po din çka me përgatitë gjatë javës, mos e le pa provu me i përgatitë për tanë javën racionet për smoothie me ananas dhe spinach, apo edhe smoothie-n me gjalpë kikiriku e banane që vërtetë ka nji super-shije. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
