Meqë jemi n’verë, s’do fjalë që shijet ekzotike janë t’parapëlqymet kur bjen fjala tek pijet e ndryshme dhe smoothie-t. Kështu pijet verore sikurse smoothie me bostan dhe kastravec, apo smoothie klasik me pjepen janë padiskutimisht ndër pijet ma ekzotike e freskuese t’cilat mundesh me i përgatitë n’kushte shtëpije. Andaj, ne kemi vendos me nda me ty recetat e smoothie-ve t’ngjashme t’cilat i përgatitë sa hap e mbyll sytë.
A t’ka shku mendja najherë me përgatitë smoothie-n me pjepën, por me i shtu edhe ananas? Nëse jo, atëherë sot asht dita kur ti DUHESH me e ba nji gja t’tillë sidomos nëse je merakli/ke i/e shijeve ekzotike dhe freskuese, meqë shija e pjepnit n’kombinim me dredhëza asht shije t’cilën DUHESH me e provu t’paktën nji herë qoftë për mëngjes, pauzë ose pas ushtrimeve. E ma e mira e kësaj pije asht që asht e përballueshme edhe për xhepin.
PËRBËRËSIT:
3-4 rriska mesatare pjepën (t’prera n’copë)
3-4 rriska mesatare ananas (t’prera n’copë)
4 copëza akulli
1/3 gotë lang portokalli
PËRGATITJA:
Shto t’gjithë përbërësit n’blender e bluji deri sa t’krijohet nji masë e njitrajtshme dhe copëzat e akullit t’jenë shpërba tanësisht. Servo.
Mundesh me e lexu edhe…
REZULTATI:
Servo smoothie-n n’gotë, dekoroje me rriskë bostani, kastraveci dhe pak mentë dhe konsumoje pijen menjiherë, ose fute n’shishe xhami n’frigorifer e konsumo brenda 3 ditëve. Ngjashëm poashtu mundesh me përgatit’ edhe smoothie-n me bostan dhe kastravec, smoothie-n me dredhëza dhe pjepën, apo detox smoothie-n me pjepën.
E meqë jemi tek pijet e “flladitshme” dhe plot shije, mos e le pa e provu edhe limonatën klasike, smoothie-n me pjepën, ose mentë-limonatën – trijat këto super pije e që ja vlenë me i përgitë gjatë verës. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
