Super-shije provo me sallatë t’pjeshkës me avokado!

Kushdo që asht merakli i ushqimit e kupton merakun për me e zbulu nji recetë t’re, autentike e interesante që rrallëkush e përgatitë, por që përgatitet lehtë. E ne jemi pikërisht nga ata njerëz që nuk pritojmë hiç me gjetë receta t’tilla, sidomos nëse janë t’shijshme, t’shëndetshme dhe ekonomike. Andaj, edhe kësaj radhe kemi ardhë me nji t’tillë.

Contents

Nëse je merak n’sallata që gërshetojnë n’mënyrë perfekte shijet e ambla me ato t’njelbëta dhe acidike, e je n’kërkim t’recetave t’reja, atëherë e ke mundësinë me e mësu nji super-recetë t’freskët t’sallatës me pjeshkë dhe avokado – sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash hazër, veçanarisht kur je t’u gostit’ mysafir.PËRBËRËSIT PËR SALLATËN:PËRBËRËSIT PËR DRESSING-UN:PËRGATITJA:REZULTATI:

Nëse je merak n’sallata që gërshetojnë n’mënyrë perfekte shijet e ambla me ato t’njelbëta dhe acidike, e je n’kërkim t’recetave t’reja, atëherë e ke mundësinë me e mësu nji super-recetë t’freskët t’sallatës me pjeshkë dhe avokado – sallatë kjo e t’lehtë me u përgatitë, por edhe fort e shijshme dhe që mundesh me e pasë gati brenda pak minutash hazër, veçanarisht kur je t’u gostit’ mysafir.

PËRBËRËSIT PËR SALLATËN:

150 gr spinaq i njomë
3 pjeshkë (t’prera n’rriska)
1 avokado (e prerë n’rriska)
¼ gotë djathë feta (i grimëcum)
1 grusht arra (t’copëtume)
¼ tufë borzilok (i grirë)

PËRBËRËSIT PËR DRESSING-UN:

¼ gotë vaj ullini
2 lugë gjelle uthull vere t’kuqe
1 lugë gjelle mjaltë
¼ lugë çaji kripë
¼ lugë çaji biber i zi

PËRGATITJA:

Paraprakisht bashko përbërësit e dressing-ut n’nji enë e përziji mirë. Pastaj, n’pjatën e dëshirume shtro spinaqin dhe gjethet e prera t’borzilokut e sipër shpërndaji rriskat e pjekëve. Shto rriskat e avokados, djathin e imtësum feta dhe arrat e prera. Gradualisht shto dressing-un sipër sallatës dhe servo.

- ADVERTISEMENT -

REZULTATI:

Servoje sallatën me pjeshkë dhe avokado qoftë si pjatë kryesore, apo pjatë shoqnuese e drekave e darkave verore. Për ekstra shije ta rekomandojmë me e shoqnu atë me nji gotë verë t’bardhë, ose me nji Aperol Spritz.

Mos harro që nji sallatë si kjo i shkon shumë edhe gostive e ahengjeve ku ke ma shumë t’ftum., veçanarisht nëse don me ju lanë përshtypje me shije t’reja, unike e kombinime jo fort t’zakonta. Ngjashëm mundesh me e përgatit’ edhe sallatën e famshme italiane t’njohun si Panzanella e cila pos’ që shijon, nuk ta len as bukën bajate me shku dam.

E nëse je merkali/ke i/e pjeshkëve dhe je n’kërkim t’recetave me pjeshkë, atëherë mos e le pa i provu edhe pjeshkat n-grill – desert ideal italian, apo edhe sallatën e burrata-s me pjeshkë – sallatë kjo që ngjashëm sikurse edhe sallata me pjeshkë e avokado gërsheton n’mënyrë interesante shijen e njelbët me at’ t’ambël. Shijo! /katror.info/

Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria