Nëse je n’hall se çka me i përgatitë vehtes me marrë me vehte për pauzë, apo fëmijëve për shkollë, por poashtu je t’u pritu me i nxjerrë punë vehtes n’kuzhinë, atëherë sygjerimi jonë ka me t’hy n’punë kësaj radhe.
Rollata me krem djathë e perime asht nji prej rollatave plot shije t’cilat mundesh me e përgatitë qoftë për mëngjes, me ua ba gati fëmijëve për shkollë, me e marrë për drekë n’pauzë me vehte. Madje, këto rollata janë fort t’përshtatshme edhe n’rastet kur ke mysafira e nuk ke kohë me gatu , sepse, mundesh me i përgatitë shpejtë, pa u lodhë fort e pa harxhu shumë harxh.
PËRBËRËSIT:
2 petë tortille
2 lugë gjelle krem djathë
1 domate (e prerë n’rriska)
100 gr kastravec (i prerë n’rriska)
Kripë dhe biber (Opsionale)
Fara liri dhe susami (Opsionale)
Mundesh me e lexu edhe…
HAPI 1:
Lyje petën e tortillës me krem djathë. Shto rriskat e kastravecit, e pastaj shto edhe dhe domatet sipër. Shto kripë e biber t’zi po deshe. Kastravecin mundesh me i pre me qëruese për perime, që me qenë rriskat edhe ma t’holla. Farat e lirit dhe susamit definitivisht e bajnë diferencën n’këtë rollatë dhe ta rekomandojmë me ja shtu petëve t’lyera.
HAPI 2:
Fillo mbështjelle petën n’formë rollate. Leje petën n’formë me pushu për 3 minuta n’mënyrë që mos me u shpërba lehtë. Fillo preje n’rrisKa. Njësoj përgatite edhe petën tjetër. Paketoje për punë ose shkollë n’kuti platike. Po që se e servon për mysafir, shtoje n’pjatë dekoruese, bashkangjite n’dërrasë për meze e shoqëroje me çaj apo verë a raki.
REZULTATI:
Këto rollata, njilloj sikurse rollatat me pesto e proshutë pule, apo edhe rollatat me humus dhe perime mundesh me i servu me çaj, me raki (po shtreve meze) apo edhe me diçka t’shnetshme si smoothie po i konsumove për mëngjes a pauzë dreke.
Kurse për punë a shkollë ne ta rekomandojmë me i shoqnu këto rollata me smoothie-n me dardhë dhe xhenxhefil, ose smoothie-n me gjalpë kikiriku dhe banane. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
