Kushdo që pak ka merak n’kuzhinë e kujdeset për ushqim e din se sa t’randësishme janë perimet e freskëta me u shti n’përdorim gjatë ditës. Megjithatë, jo çdoherë kemi kohë me përgatitë super-shëndetshëm, e besa edhe nuk hahet veç sallatë përditë. Andaj, gjetja e recetave që janë t’lehta dhe t’shëndetshme asht çelës n’raste t’tilla.
Rollata me humus e perime asht nji prej rollatave plot shije t’cilat mundesh me e përgatitë qoftë për mëngjes, me ua ba gati fëmijëve për shkollë, me e marrë për drekë n’pauzë me vehte apo edhe me i gostitë mysafirët n’darkë – mjafton me i ndjekë 2 hapa tepër t’thjeshë.
PËRBËRËSIT:
2 petë tortille
2 lugë gjelle humus
1 karrotë (e prerë n’rriska)
1 spec i kuq (e prerë n’fije)
100 gr kastravec (i prerë n’rriska)
Kripë dhe biber (Opsionale)
HAPI 1:
Lyje petën e tortillës me humush. Shto rriskat e karrotës dhe kastravecit, e pastaj shto edhe dhe fijet e specit t’kuq sipër. Shto kripë e biber t’zi po deshe. Karrotën dhe kastravecin mundesh me i pre me qëruese për perime, që me qenë rriskat edhe ma t’holla.
Mundesh me e lexu edhe…
- Advertisement -
HAPI 2:
Fillo mbështjelle petën n’formë rollate. Leje petën n’formë me pushu për 3 minuta n’mënyrë që mos me u shpërba lehtë. Fillo preje n’rrisKa. Njësoj përgatite edhe petën tjetër. Servo n’pjatë dekorative nëse je t’u pritë mysafirë, ose paketoje për punë n’kuti platike.
- Advertisement -
REZULTATI:
Këto rollata, njilloj sikurse rollatat me pesto e proshutë pule mundesh me i servu me çaj, me raki (po shtreve meze) apo edhe me diçka t’shnetshme si smoothie po i konsumove për mëngjes a pauzë dreke. Ne t’a rekomandojmë smoothie-n me dardhë dhe xhenxhefil, ose smoothie-n me pjeshka e dredhëza t’cilin e ke gati n’dakik. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
