Boronicat janë nji prej frutave t’malit t’cilat shumëkush i ka merak dhe i pëlqen. E pos shijes t’veçantë, ato njihen edhe si super-ushqim, meqë janë t’ulëta n’kalori, e t’mbushuna me vlera ushqyese. Ato poashtu janë nji anti-oksidant natyral dhe ndihmojnë n’parandalimin e plakjes, shfaqjen e kancerit si dhe e ulë shtypjen n’gjak. Kështu, reçelët, sosat e kompotët e frutave prej recetave t’gjysheve janë mënyrë e mirë me konsumu diçka t’ambël, por jo artificiale. E 5 recetave me bornica po i shtohet edhe 1 super recetë tjetër.
Mundesh me e lexu edhe…
Ti mundesh me e ambëlsu secilën pjatë e me i shtu gatesave shije t’u e përgatitë sosin e boronicës – sos ky i bazum n’recetat e gjysheve t’tona e që nuk don fort punë, por që nuk dështon asnjiherë. Mjafton me i ndjekë udhëzimet tona dhe me i kushtu pak kujdes përgatitjes. Kaq.
PËRBËRËSIT:
2 gota boronica t’ngrira
1/2 filxhan sheqer
Lëvorja e 1 limoni
2 lugë gjelle lang limoni
1 lugë gjelle niseshte e përzier me 1/4 gotë ujë.
3/4 filxhan ujë
HAPI 1:
N’tenxhere mesatare shto boronicat, sheqerin dhe 1/2 e gotës me ujë. Përzije masën mirë dhe fillo me e zi atë.
HAPI 2:
Me qëruesen e patateve qëro lëvoren e limonit dhe hidhe sipër masës me boronica. Shtrydhe langun e limonit dhe shtoje edhe atë n’tenxhere. Kur përzierja t’vlojë, shto langun e niseshtës dhe përzije masën deri sa t’shpërbahet tanësisht niseshta.
HAPI 3:
Vazhdo zije masën duke e përzi vazhdimisht. Me nji lugë testoje konsistencën (trashësinë e sosit) dhe kur t’jetë trashë, largo tenxheren prej stufës, largoji lëvoret e limonit dhe leje sosin me u ftohë.
REZULTATI:
Vendose sosin n’tegëll xhami e ruje n’frigorifer. I tillë qëndron i përdorshëm për 7-10 ditë. Servoje bashk me nji CheeseCake, me apo me kek limoni.
T’ngjajshme n’përgatitje janë edhe kompoti me dardhë si dhe kompoti me mollë, 2 receta këto që ja vlenë me i provu e me i kombinu me çkado, qoftë edhe me 1 rriskë bukë, petulla amerikane apo pallaçinka. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria
Përgatiti:
