Kushdo që ndonjiherë ka provu me i ndejtë vehtës pak gati n’ushqim, me mbajtë ndonji rezhim apo thjeshtë ka dashtë me provu me u ushqy ma mirë e ma shnetshëm e din që ushqimet “healthy” n’sektoret e dyqaneve janë tepër t’shtrejtë.
Kurseje xhepin tand duke e përgatitë vet mixin e muesl-it tand me pak harxh e edhe ma pak mund, e shijoje për disa mëngjese me radhë, pa u gajlu shumë. Mjafton me i ndjekë udhëzimet e maposhtme.
PËRBËRËSIT:
3 gota tërrshanë
1/2 gotë arra (t’copëtume)
1/2 gotë boronica t’thata
1/4 gotë fara luledielli
2 lugë gjelle sheqer i kafët
1/2 lugë gjelle kanellë
PËRGATITJA:
Shto t’gjithë përbërësit n’pjatë t’thellë e me lugë përzije sasinë mirë. Vendose sasinë n’tegëll xhami dhe ruje n’ambient t’thatë. Ti poashtu mundesh me i shtu edhe badema t’imtësum, fruta t’ndryshme t’thata nëse don me e pasunu me ekstra shije museli mix-in tand.
Kurse kurdo që don me e përgatitë muesli-n, shto n’pjatë 1 gotë museli mix dhe 1 gotë qumësh e haje mbas 5 minutave, ose leje me qëndru n’frigorifer e me u zbutë gjatë natës e me marrë me vehte për punë apo ushtrime.
E masi veç jemi tek ushqimet e mira e t’shnetshme, mos e le pa e provu edhe pjatën me gjizë, mollë dhe arra, apo pjatën me gjizë dhe boronica. Poashtu, nëse veç e provon, ne ta rekomandojmë edhe Parfait-in me fruta mali – desertin e shëndetshëm t’cilin mundesh me marrë me vehte n’punë edhe nuk t’merr kohë ma shumë se 2 minuta. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria