Me çmimet n’rritje e sipër, por edhe koston e lartë t’jetesës n’përgjithësi, secili kemi fillu me shqyrtu mundësi ma ekonomike t’përgatitjes t’ushqimit. E ne për këtë arsye po provojmë me sjellë receta që janë t’lehta, t’shpejta dhe t’përshtatshme për ma shumë vakte – njilloj sikurse asht receta e radhës
E ke mundësinë me e përgatitë sanduiçin me sallatë vezësh dhe avokado lehtë e shpejt me e ba qoftë për mëngjes, apo edhe për pauzë pa pasë nevojë me i marrë vehtës shumë kohë. Mjafton me i ndjekë udhëzimet n’vijim.
PËRBËRËSIT (servimi për 2):
4 ve t’ziera
2 lugë gjelle jogurt grek
1 lugë gjelle lang limoni
1 lugë çaji mustardë / senf
Kripë dhe biber i zi (Opsionale)
1 avokado (e prerë n’copëza)
1 lugë çaji qiqra
4 rriska buke pa aditiv
1 grusht rukolla
HAPI 1:
Shto jogurtin, avokadon, langun e limonit, mustardën dhe erëzat n’nji enë t’thellë.
HAPI 2:
Me piru shtype avokadon dhe përzije me jogurtin e përbërësit e tjerë deri sa t’krijohet nji masë e njitrajtshme. Merr vezët e ziera dhe preji n’kubëza e shtoja sosit me avokado.
HAPI 3:
Përziji vezët me masën me avokado n’ndërkohë që bukët i rre4shkë për 3-5 minuta n’tigan / n’toster apo n’furrë.
HAPI 4:
Merr rriskën e bukës, vendose gjysmën e sasisë t’vezëve me avokado sipër, shto gjysmë grushti rukolla dhe vendose sipër rriskën tjetër. T’njejëtin hap përsërite edhe me pjesën e mbetun t’harxhit. Servo.
REZULTATI:
Haje sanduiçin menjiherë, apo mbështjelle n’letër gatimit ose folie alumini e vendose n’frigorifer e merre me vehte n’punë apo baja gati fëmijëve për shkollë. Njilloj mundesh me e përgatitë edhe sanduiçin klasik me sallatë vezësh; sanduiç ky super i shijshëm.
Sanduiçin mundesh me e shoqnu me nji lang t’freskët t’mollës t’gjelbër, apo me smoothie-n me spec t’kuq dhe dredhëza, t’cilin mundesh me e përgatitë vet sa hap e mbyll sytë, me e paketu n’shishe t’xhamit e me marrë me vehte njilloj sikurse sanduiçin.
E mbasi veç jemi te sanduiçët e shijshëm, t’mirë, t’lehtë e t’përshtatshëm për pauzë, mos e le pa i provu edhe 4 sanduiçat tanë t’cilët mundesh me i marrë me vehte n’punë. Shijo! /katror.info/
Ky artikull është përgatit’ nga Kaltrina Zhushi. Për me pa receta të mira dhe te shëndetshme, mundeni me e vizitu blogun e saj në Instagram @gurmaneria